एेतिहासिक बुद्धविहार वर्धापन दिन उत्साहात-PNE21R0453 | Sakal
sakal

बोलून बातमी शोधा

एेतिहासिक बुद्धविहार वर्धापन दिन उत्साहात-PNE21R0453
एेतिहासिक बुद्धविहार वर्धापन दिन उत्साहात-PNE21R0453

एेतिहासिक बुद्धविहार वर्धापन दिन उत्साहात-PNE21R0453

sakal_logo
By

देहू, ता. २५ ः येथील एेतिहासिक बुद्धविहार, धम्मभूमीचा ६७ वा वर्धापन दिन विविध संघटनांनी मोठ्या उत्साहात, विविध कार्यक्रमांनी शनिवारी (ता.२५) साजरा केला. देशातील विविध भागातून आलेल्या हजारो बौद्ध बांधवांनी भगवान बुद्धांच्या मूर्तीचे आणि भारतरत्न डॅा. बाबासाहेब आंबेडकर यांच्या अस्थिस्तुपाचे दर्शन घेण्यासाठी रांग लावली होती. भीम गीतांनी परिसर दुमदुमुन गेला होता.
कोरोनाच्या पार्श्वभूमीवर नियमांचे पालन करत, येथील एेतिहासिक बुद्धविहाराच्या शेजारी असलेल्या, रेल्वे पटांगणावर हजारो बौद्ध बांधवांनी सकाळी सामुदायिक महाबुद्धवंदना घेतली. शहरातील विविध संस्था, संघटनांनी आलेल्या भाविकांच्या स्वागतासाठी कमानी, मंडप उभारले होते. तसेच पाणी वाटप आणि अन्नदान कार्यक्रमाचे आयोजन केले होते.
भारतरत्न डॅा. बाबासाहेब आंबेडकर यांनी २५ डिसेंबर १९५४ रोजी एेतिहासिक धम्मभूमी, बुद्धविहारात गौतम बुद्धांच्या मूर्तीची स्थापना करून धम्मक्रांती केली. यानिमित्त देशातील हजारो बौद्ध बांधव दरवर्षी मोठ्या संख्येने येथे येतात आणि दर्शन घेतात. त्यांच्या स्वागतासाठी संपूर्ण देहूरोड शहरात उत्साहाचे वातावरण होते.
समस्त बौद्ध अनुयायांच्या वतीने सामुदायिक बौद्ध अनुयायांची महाबुद्धवंदना घेण्यात आली. यात मुंबई, पुणे, पिंपरी, चिंचवड, मावळ, ठाणे, सातारा, सांगली आणि कोल्हापूर येथील उपासक सहभागी झाले होते. महाथेरो भदन्त ज्ञानज्योती यांच्याहस्ते महाबुद्धवंदना झाली. त्याचप्रमाणे बुद्धविहार कृती समिती, धम्मभूमी एज्युकेशन सोसायटी आणि धम्मभूमी सुरक्षा समितीच्या वतीने बुद्ध वंदना आणि धम्म रॅलीचे आयोजन करण्यात आले होते.
बुद्धविहार कृती समितीच्या वतीने सामाजिक कार्य करणाऱ्या व्यक्तींचा पुरस्कार देवून सन्मान करण्यात आला. दि बुद्धिस्ट सोसायटी आॅफ इंडिया, बुद्धविहार ट्रस्ट, वंचित बहुजन आघाडी, आरपीआय आठवले गट, युवा गट देहूरोड, मावळ प्रबोधिनी, भारतीय बौद्ध महासभा, भारिप बहुजन समाज पक्ष यांनी विविध कार्यक्रमांचे आणि अन्नदानाचे आयोजन केले होते.

फोटो - PNE21S30614

Web Title: Todays Latest District Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top