''जयंतीनिमित्त सामाजिक उपक्रम राबवा''

वालचंदनगर, ता.१४ : युवकांनी महापुरुषांच्या जयंतीनिमित्त आरोग्य, रक्तदान शिबिर व समाजउपयोगी कार्यक्रमाचे आयोजन करण्याचे आवाहन बारामतीचे उपविभागीय पोलिस अधिकारी गणेश इंगळे यांनी केले.
जंक्शन (ता.इंदापूर) येथे डॉ.बाबासाहेब आंबेडकर यांच्या जयंतीनिमित्त आयोजित केलेल्या कार्यक्रमामध्ये बोलत होते. यावेळी इंदापूरचे तहसीलदार श्रीकांत पाटील, कार्यक्रमाचे आयोजक संभाजी बनसोडे, वालचंदनगर पोलिस ठाण्याचे साहय्यक पोलिस निरीक्षक बिरप्पा लातुरे, पोलिस उपनिरीक्षक अतुल खंदारे, कर्मयोगी सहकारी साखर कारखान्याचे संचालक वसंत मोहोळकर, भारत बनसोडे, संजय गांधी निराधार योजनेचे इंदापूर तालुक्याचे अध्यक्ष सागर मिसाळ,शिवसेनेचे माजी तालुकाप्रमुख नितीन कदम, भाजपचे युवराज म्हस्के, उद्योजक बाबासाहेब जठार, बाबासाहेब होळ, प्रताप मोहोळकर, विशाल बनसोडे , विजय बनसोडे उपस्थित होते. यावेळी गणेश इंगळे, तहसीलदार श्रीकांत पाटील यांच्या हस्ते महापुरुषांच्या प्रतिमेचे पूजन करण्यात आले.
---
02121