भोर तालुक्यातील ३५ सहकारी सोसायट्यांच्या निवडणूका | Sakal
sakal

बोलून बातमी शोधा

भोर तालुक्यातील ३५ सहकारी सोसायट्यांच्या निवडणूका
भोर तालुक्यातील ३५ सहकारी सोसायट्यांच्या निवडणूका

भोर तालुक्यातील ३५ सहकारी सोसायट्यांच्या निवडणूका

sakal_logo
By

भोर, ता. २ ः तालुक्यातील ७५ विविध कार्यकारी सहकारी सेवा सोसायटींपैकी ब वर्ग मतदानासाठी पात्र असलेल्या ३५ सोसायट्यांच्या निवडणुका जानेवारी व फेब्रुवारी महिन्यात होणार असल्याची माहिती सहकारी संस्था विभागाचे सहायक निबंधक बाळासाहेब तावरे यांनी दिली.
जानेवारी महिन्याच्या शेवटच्या आठवड्यात पहिल्या टप्यातील १९ तर फेब्रुवारी महिन्यात दुसऱ्या टप्यातील १६ सोसायटींच्या निवडणुका होणार आहेत. ७५ पैकी ६९ सोसायटी या ब वर्ग मतदानासाठी पात्र आहेत. त्यापैकी पाच वर्षे पूर्ण झालेल्या सोसायट्यांच्या निवडणुका होणार आहेत. सदर निवडणुकीसाठीच्या प्रारूप मतदारयाद्या प्रसिद्ध केल्या असून पहिल्या टप्यातील निवडणुकांच्या हरकती घेण्याची तारीख ३० डिसेंबरला संपली आहे. तर दुसऱ्या टप्यातील हरकती घेण्याची मुदत ५ जानेवारीपर्यंत आहे. जानेवारी महिन्यात टापरेवाडी, वाठारहिंगे, केंजळ, भोंगवली, येवली, राजापूर, महुडे बुद्रुक, पारवडी, केळवडे, कांजळे, आळंदे, म्हाळवडी, बारे बुद्रुक, कुरुंगवडी, नाझरे, पानव्हळ, आंबवडे, कर्नावड व चिखलावडे येथील सोसायट्यांची निवडणूक होणार आहे. तर फेब्रुवारीमध्ये दुसऱ्या टप्यात कासुर्डी गुमा, कामथडी, जांभळी, तांभाड, वडतुंबी, कारी, टिटेघर, म्हसर, चिखलगाव, वडगाव डाळ, बाजारवाडी, नाटंबी, खोपी, रांजे, वेळू व धांगवडी येथील सोसायट्यांच्या निवडणुका होणार आहेत. जिल्हा बॅंकेकडून विकास सेवा सोसायटीमार्फत शेतकऱ्यांना पाच लाख रुपयांपर्यंत शून्य टक्के व्याजदराने कर्जपुरवठा केला जातो. त्यामुळे गावपातळीवरील वर्चस्व सिद्ध करण्यात सेवा सोसायट्यांची निवडणूक महत्त्वाची मानली जाते.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top