कांद्याचा उत्पादन खर्चही सुटेना गुनाट परिसरातील शेतकरी तोट्यात; पावणेदोन एकरामध्ये केवळ ६५ गोण्या कांदा | Sakal
sakal

बोलून बातमी शोधा

कांद्याचा उत्पादन खर्चही सुटेना
गुनाट परिसरातील शेतकरी तोट्यात; पावणेदोन एकरामध्ये केवळ ६५ गोण्या कांदा
कांद्याचा उत्पादन खर्चही सुटेना गुनाट परिसरातील शेतकरी तोट्यात; पावणेदोन एकरामध्ये केवळ ६५ गोण्या कांदा

कांद्याचा उत्पादन खर्चही सुटेना गुनाट परिसरातील शेतकरी तोट्यात; पावणेदोन एकरामध्ये केवळ ६५ गोण्या कांदा

sakal_logo
By

गुनाट, ता. ४ : खतांच्या वाढलेल्या किंमती, मशागत आणि मजुरी वाढल्यामुळे शेतकरी मेटाकुटीला आला आहे. त्यातच सततच्या हवामानातील बदलाचा विपरीत परिणाम कांदा पिकावर होत झाला असून उत्पादन घट झाली आहे. गुनाट (ता. शिरूर) एका शेतकऱ्याच्या पावणे दोन एकरात फक्त पासष्ट गोणी कांद्याचे उत्पादन निघाले आहे. त्यासाठी जवळपास ६० हजार रुपयांचा खर्च झाला असून उत्पन्न केवळ ४२ हजार रुपयांचे निघाले आहे.

परिसरात सध्या ‘चार आण्याची कोंबडी आणि बारा आण्याचा मसाला’, अशी अवस्था कांदा उत्पादक शेतकऱ्यांची झाली आहे. खर्च आणि उत्पादनाचा ताळमेळच बसत नसल्याने कांदा उत्पादक शेतकरी आर्थिक आणि मानसिकदृष्ट्या खचत चालला आहे. प्रतीक भगत यांनी गेल्या ऑगस्ट महिन्याच्या अखेरीस पावणे दोन एकरावर कांद्याची लागवड केली होती.
कांद्याला वेळेवर बेसल डोस दिला. तसेच आळवणी, फवारणी, खुरपणीही केल्या. मात्र, पोषक वातावरणाच्या अभावामुळे पिकावर विविध रोगांचा प्रादुर्भाव झाला. त्यामुळे महागड्या औषधांची त्यांनी फवारणीही केली. तरीही सत्तर टक्के पीक वाया गेले. कांदा पूर्ण पोसला नसल्याने उत्पादन घट झाली. केवळ भांडवल वसूल होईल या आशाने भगत कुटुंबीयांनी कांदा काढणीस सुरुवात केली. मात्र अत्यल्प उत्पादनामुळे त्यांना तोटाच सहन करावा लागला आहे.

घटत्या उत्पादनामुळे भांडवलही वसूल होत नाही. एक पीक वाया गेले, तर मेहनत, मजुरी, भांडवलाबरोबर शेतकऱ्यांचे एक वर्ष वाया जाते. यामुळे त्यांचे आर्थिक नियोजन कोलमडते. तालुक्यात कांदा उत्पादक शेतकऱ्यांची अशी विदारक अवस्था आहे.
-प्रतीक भगत. शेतकरी, गुनाट

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top