भोलावड्यातील उद्यानात शहीद स्तंभाचे अनावरण | Sakal
sakal

बोलून बातमी शोधा

भोलावड्यातील उद्यानात 
शहीद स्तंभाचे अनावरण
भोलावड्यातील उद्यानात शहीद स्तंभाचे अनावरण

भोलावड्यातील उद्यानात शहीद स्तंभाचे अनावरण

sakal_logo
By

भोर, ता. ४ : भोलावडे (ता. भोर) येथील वन उद्यानात कार्यरत असताना मृत्युमुखी पडलेल्या वन विभागाच्या कर्मचाऱ्यांचा शहीद स्तंभ उभारण्यात आला. आमदार संग्राम थोपटे यांच्या हस्ते या स्तंभाचे नुकतेच अनावरण करण्यात आले.

तालुक्यातील आपटी गावच्या वन परीक्षेत्रामध्ये ३ नोव्हेंबर २०१८ रोजी वणवा लागला होता. त्यावेळी वनकर्मचारी सदाशिव त्रिंबक नागठाणे यांचा वणवा आटोक्यात आणताना आगीत होरपळून मृत्यू झाला. त्यांच्या चौथ्या पुण्यस्मरणाच्या दिवशी वनविभागाने भोलावडे येथील बाल उद्यानात नागठाणे यांचा शहीद स्तंभ उभारला आहे. यासाठी जिल्हा नियोजन मंडळातून अडीच लाख रुपयांचा निधी प्राप्त झाला. हा स्तंभ वन विभागाच्या कर्मचारी व अधिकाऱ्यांना कामात ऊर्जा देणारा असल्याचे मत आमदार थोपटे यांनी व्यक्त केले.

या वेळी वन उपविभागीय अधिकारी आशा भोंग, वन परिक्षेत्र अधिकारी दत्तात्रेय मिसाळ, नसरापूरचे वन परिक्षेत्र अधिकारी संग्राम जाधव, वेल्ह्याचे वन परिक्षेत्र अधिकारी लंगुटे, जिल्हा परिषद सदस्य विठ्ठल आवाळे आदींसह वनकर्मचारी उपस्थित होते.

kik०३p१-forest
2S32767

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top