पुणे : चारित्र्याच्या संशयावरून निमोण्यात पत्नीचा खून | Wife Murder | Sakal
sakal

बोलून बातमी शोधा

Murder
पुणे : चारित्र्याच्या संशयावरून निमोण्यात पत्नीचा खून

पुणे : चारित्र्याच्या संशयावरून निमोण्यात पत्नीचा खून

गुनाट - निमोणे (ता. शिरूर) येथे चारित्र्याच्या संशयावरून (Suspicion) ऊसतोड कामगाराने आपल्या पत्नीचा (Wife) विहिरीत ढकलून खून (Murder) केला. याबाबत पोलिसांनी (Police) तातडीने तपास करून चोवीस तासाच्या आतच आरोपीस गजाआड केले. याबाबात बाबासाहेब रामभाऊ धस यांनी शिरूर पोलिस ठाण्यामध्ये फिर्याद दिली आहे. सुनीता बाबासाहेब सावंत (वय ३६, रा. वंजारवाडी, ता. बदनापूर, जि. जालना) असे खून झालेल्या महिलेचे नाव आहे.

हेही वाचा: पुण्याचा नियोजीत आंतरराष्ट्रीय विमानतळ अधांतरीच !

पोलिसांनी दिलेल्या माहितीनुसार, सोमवारी (ता. ३) निमोणे येथील बबन राजाराम काळे या स्थानिक शेतकऱ्याच्या विहिरीत महिलेचा मृतदेह पाण्यावर तरंगताना दिसला. याबाबतची माहिती तेजराव सावंत यांनी शिरूर पोलिसांनी दिली. पोलिसांनी केलेल्या तपासानुसार, घटना घडल्यापासून महिलेचा पती फरारी झाला होता. त्यामुळे पोलिस निरीक्षक सुरेशकुमार राऊत यांनी तपासासाठी दोन पथके तयार केली. त्याचा शोध घेत असता मंगळवारी (ता. ४) निमोणे-न्हावरे रस्त्यावर आरोपीस अटक करण्यात आली. त्याने, आपणच चारित्र्याच्या संशयावरून पत्नीचा खून केल्याची कबुली दिली. यानुसार पोलिसांनी गुन्हा दाखल केला आहे. आरोपीस न्यायालयाने पाच दिवसांची पोलिस कोठडी दिली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune Newscrimemurder
loading image
go to top