काटेवाडीत माझी वसुंधरा अभियानाचा प्रारंभ | Sakal
sakal

बोलून बातमी शोधा

काटेवाडीत माझी वसुंधरा अभियानाचा प्रारंभ
काटेवाडीत माझी वसुंधरा अभियानाचा प्रारंभ

काटेवाडीत माझी वसुंधरा अभियानाचा प्रारंभ

sakal_logo
By

बारामती, ता. ९ ः स्वच्छतेबाबत अग्रणी असलेल्या काटेवाडीकरांनी माझी वसुंधरा अभियानात काम करत हे अभियान यशस्वी केले पाहिजे, अशी अपेक्षा बारामती हायटेक टेक्स्टाईल पार्कच्या अध्यक्षा सुनेत्रा पवार यांनी केले.
माझी वसुंधरा अभियानाचा काटेवाडीत नुकताच प्रारंभ झाला. ग्रामस्वच्छतेबाबत ग्रामस्थांनी हिरिरीने पुढाकार घेत या अभियानाचे काम सुरु केले आहे. बारामती इंदापूर रस्त्यावरील बसस्थानकानजीकच परिसर स्वच्छ करून या अभियानास प्रारंभ करण्यात आला.
या बाबत माहिती देताना सरपंच विद्याधर काटे यांनी सांगितले की, नवीन वर्षाच्या पहिल्या दिवसापासूनच या अभियानाची तयारी सुरु केली आहे. या अभियानाची माहिती देत ग्रामस्थांनाही या बाबत सूचना दिल्या गेल्या. १६ एप्रिल २०२१ पासून ते मार्च २०२२ पर्यंत या अभियानाचा कालावधी आहे.
यामध्ये पृथ्वी, वायू, जल, अग्नी व आकाश या विविध विषयांवर पाच हजार गुणांची गुणपत्रिका प्रत्येक ग्रामपंचायतीस दिली आहे. सुनेत्रा पवार यांच्या सूचनेनुसार ग्रामपंचायत, शाळा, तसेच गावात सभांचे आयोजन केले गेले. यात वृक्षलागवडीसोबत टॅगिंग, नर्सरी लागवड, वृक्षलागवड रजिस्टर, वृक्ष मोजणी, प्लॅस्टिक व ओला सुका कचरा व्यवस्थापन, वायू व ध्वनी प्रदूषण कमी करणे, पाचट जाळण्यास बंदी करणे, गॅसजोड, रेन वॉटर हार्वेस्टिंग, ठिबकचा वापर, विहीर पुनर्भरण आदी मुद्यांबाबत ग्रामसेवक बाळासाहेब भोईटे यांनी माहिती दिली.
छत्रपतीचे अध्यक्ष प्रशांत काटे, उपमुख्यमंत्री अजित पवार यांचे स्वीय सहायक सुनीलकुमार मुसळे, सरपंच विद्याधर काटे, उपसरपंच समीर मुलाणी यांच्यासह सदस्य राजू भिसे, धीरज घुले, रंजना लोखंडे, पद्मिनी देवकर, स्वाती गरडे, प्रियांका देवकाते, धनंजय काळे, अमर जगताप, जितेंद्र काटे, अमोल काटे, मारुती काटे, राजेंद्र सोलनकर, राणी ढमे, सचिन मोरे आदी उपस्थित होते.

०४२२६

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top