गुनवडी येथील दारू भट्टीवर कारवाई | Sakal
sakal

बोलून बातमी शोधा

गुनवडी येथील दारू भट्टीवर कारवाई
गुनवडी येथील दारू भट्टीवर कारवाई

गुनवडी येथील दारू भट्टीवर कारवाई

sakal_logo
By

बारामती, ता. १० : गुनवडी (ता. बारामती) येथे अवैधरीत्या चालविणाऱ्या दारू भट्टीवर बारामती शहर पोलिसांनी कारवाई केली.
शहर पोलिस ठाण्याचे सहायक फौजदार संजय जगदाळे यांना माहिती दिली की, विद्यानगरी-गुनवडी (ता.बारामती) येथे वास्तव्य करणारे अंबादास यशवंत चव्हाण व इतर एक जण वारंवार भट्टी लावून दारू गाळप करतात. याबाबत पोलिस निरिक्षक सुनील महाडीक यांच्याकडे ही माहिती गेल्यानंतर त्यांच्यावर धडक कारवाईचा निर्णय घेतला. सहायक पोलिस निरिक्षक प्रकाश वाघमारे, फौजदार ढाकणे, संजय जगदाळे, कल्याण खांडेकर, दशरथ कोळेकर, तुषार चव्हाण, बंडू कोठे व महिला पोलिस सुनंदा माने यांनी त्या ठिकाणी छापा मारला. त्या ठिकाणी दोनशे लिटर मापाचे दोन प्लॅस्टिक बॅरल ज्यात चारशे लिटर तयार रसायन व १५ लिटर गावठी दारू तसेच दारू गाळपासाठी ठेवलेले लोखंडी कढईत चारशे लिटर द्रावण, विषारी नवसागर, दहा किलो काळा गूळ व नशा येण्यासाठी फोडून वापरण्यासाठी फोडलेले १० बॅटरी सेल सापडले. दारू भट्टी चालविताना शरीराला अपायकारक साहित्य वापरल्याबद्दल भट्टीचालकाविरुद्ध कलम ३२८ लावले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top