चैतन्य टेस्ट ट्यूब बेबी सेंटरचे उद्या इंदापुरात मोफत शिबिर

बारामती, ता. ८ : येथील श्री चैतन्य टेस्ट ट्यूब बेबी सेंटरचे डॉ. आशिष जळक व डॉ. प्रियांका जळक यांच्यावतीने रविवारी (ता. १०) इंदापूर येथे मोफत शिबिराचे आयोजन करण्यात आले आहे. इंदापूर येथील राधिका रेसिडेन्सी क्लब येथे सकाळी दहा ते दुपारी तीन या वेळेत हे शिबिर होणार आहे.

बारामतीबरोबरच पंचक्रोशीतील अपत्यहीन जोडप्यांना आयव्हीएफसंदर्भात परिपूर्ण मार्गदर्शन करण्याचा प्रयत्न डॉ. जळक करीत आहेत. त्या अंतर्गत रविवारी ते इंदापूर येथे मार्गदर्शन करणार आहेत. महिलांच्या समस्या व अपत्यहीन जोडप्यांसाठी हे शिबिर मोफत असेल.

अनेकदा अपत्यप्राप्ती होत नसल्याने जोडप्यांमध्ये निराशा असते, या बाबत शास्त्रशुद्ध व परिपूर्ण मार्गदर्शन या शिबिरात होणार असून, इच्छुकांनी त्याचा लाभ घ्यावा असे आवाहन करण्यात आले आहे.