रोटरी क्लबची सुरक्षा रक्षकांना मायेची ऊब | Sakal
sakal

बोलून बातमी शोधा

रोटरी क्लबची सुरक्षा रक्षकांना मायेची ऊब
रोटरी क्लबची सुरक्षा रक्षकांना मायेची ऊब

रोटरी क्लबची सुरक्षा रक्षकांना मायेची ऊब

sakal_logo
By

भिगवण, ता. ९ : येथील (ता. इंदापूर) रोटरी क्लब ऑफ भिगवन व रोटरी क्लब पुणे रिव्हरसाईड यांचे संयुक्त विद्यमाने भिगवण व परिसरामध्ये थंडीमध्ये कुडकुडत पहारा देणाऱ्या सुरक्षा रक्षकांना ब्लॅंकेटचे वाटप करण्यात आले. मायेची ऊस मिळाल्याने सुरक्षा रक्षकांनी समाधान व्यक्त केले.
काही दिवसांमध्ये चोरीच्या प्रमाणांमध्ये वाढ झाल्यामुळे विविध ठिकाणी काम करत असलेले सुरक्षा रक्षक थंडीमध्ये कुडकुडत पहारा देत आहेत. ही बाब येथील रोटरी क्लब ऑफ भिगवणच्या लक्षात आली. त्यानंतर येथील रोटरी क्लब ऑफ भिगवण व रोटरी क्लब ऑफ पुणे रिव्हरसाईड यांचे संयुक्त विद्यमाने या सर्व सुरक्षा रक्षकांना ब्लॅंकेटचे वाटप करण्याचा निर्णय घेण्यात आला.
कार्यक्रमासाठी रोटरी क्लबचे अध्यक्ष संजय खाडे, सचिव सुषमा वाघ, माजी अध्यक्ष सचिन बोगावत, संपत बंडगर, प्रदीप वाकसे, संजय रायसोनी, डॉ. अमोल खानावरे, औदुंबर हुलगे, तुषार क्षीरसागर, नामदेव कुदळे, किरण रायसोनी उपस्थित होते.
रियाज शेख यांनी सूत्रसंचालन केले तर सुषमा वाघ यांनी आभार मानले. ब्लॅंकेट वाटपासाठी रोटरी क्लबच्या संचालक पल्लवी साबळे यांचे विशेष सहकार्य लाभले.

सुरक्षारक्षक रात्रभर जागून आपल्या सर्वांची सुरक्षेची काळजी घेतात. सध्या थंडीचा कडाका वाढला आहे. त्यामुळे ते थंडीपासून बचाव करण्यासाठी टायर किंवा लाकूड जाळून ऊब निर्माण करण्याचा प्रयत्न करतात. मात्र, तो पुरेसा नाही. त्यांचे थंडीपासून संरक्षण व्हावे, या हेतून रोटरी क्लबने सर्व सुरक्षा रक्षकांना ब्लॅंकेटचे वाटप केले.
- संजय खाडे, अध्यक्ष, रोटरी क्लब

.............................................
34239

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top