बंदी असूनही भरला भोरचा बाजार | Sakal
sakal

बोलून बातमी शोधा

बंदी असूनही भरला भोरचा बाजार
बंदी असूनही भरला भोरचा बाजार

बंदी असूनही भरला भोरचा बाजार

sakal_logo
By

भोर, ता. ११ ः कोरोनाच्या वाढत्या प्रादुर्भावामुळे नगरपालिका प्रशासनाने मंगळवारचा आठवडे बाजार बंद ठेवला. परंतु, नगरपालिका प्रशासन आणि पोलिसांच्या ढिसाळ नियोजनामुळे बाजार नेहमीसारखाच भरला गेला. बाजारात विक्रेते कमी आणि ग्राहक मोठ्या प्रमाणात आल्याने भाज्यांसहीत सर्वच वस्तूंचे भाव वाढले गेले. त्यामुळे ग्राहकांना नेहमीपेक्षा जास्त भावाने भाज्या खरेदी कराव्या लागल्या.
नगरपालिका प्रशासनाने मंगळवारचा (ता. ११) आठवडे बाजार बंद करण्याचे सोमवारी (ता. १०) दुपारी जाहीर केले. त्यामुळे बाहेरील विक्रेते व ग्राहक यांना याची पूर्ण कल्पना आली नाही. त्यामुळे नेहमीप्रमाणे ते बाजारात आले. सकाळी नगरपालिका प्रशासनाचे कर्मचारी रिक्षामधून दंवडी देवून गेले. परंतु, त्यानंतर मात्र नगरपालिकेचा आणि पोलिसांचा एकही कर्मचारी बाजारात फिरकला नाही. आठवडे बाजार पुढील आदेश येईपर्यंत बंद राहणार असल्यामुळे अनेक महिला ग्राहक खरेदी करण्यासाठी बाजारात आल्या. बाजारात ग्राहकांची संख्या वाढल्यामुळे विक्रेत्यांनी एका किलोच्या प्रत्येक भाजीमागे १० ते ५० रुपयांनी वाढ केली. तरीही ग्राहकांनी मिळेल त्या दरात भाज्या खरेदी केल्या. दुपारी बारा वाजल्यानंतर ग्राहकांच्या संख्येत झालेली वाढ सायंकाळपर्यंत होती.

kik११p२-bajar,kik११p२-bajar१

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top