दाखल कोरोना रुग्णांची संख्या नगण्य

पुणे, ता. १२ : शहर व जिल्ह्यातील कोरोना रुग्णांची संख्या झपाट्याने वाढताना दिसत असली तरी, घरच्या घरीच कोरोनामुक्त होणाऱ्यांचे प्रमाण तुलनेने खूप मोठे आहे. शहरात उपचारासाठी रुग्णालयात दाखल होणाऱ्या रुग्णांचे प्रमाण अगदी नगण्य असल्याचे दिसून आले आहे. सध्या शहरातील २१ हजार ४८४ सक्रिय रुग्णांपैकी केवळ १ हजार १९ जण रुग्णालयांत दाखल आहेत. रुग्णालयात दाखल होणाऱ्या रुग्णांचे प्रमाण शहरातील एकूण सक्रिय रुग्णांच्या प्रमाणात फक्त पावणे पाच टक्के (४.७४ टक्के) इतके आहे. जिल्हा आरोग्य विभागाच्यावतीने प्रसिद्ध करण्यात आलेल्या कोरोना रुग्ण आकडेवारीच्या अहवालावरून हे स्पष्ट झाले आहे.
पुणे शहराप्रमाणे जिल्ह्यातही हीच स्थिती आहे. जिल्ह्यातील एकूण ३६ हजार २४९ सक्रिय कोरोना रुग्णांपैकी केवळ १ हजार ७५२ रुग्णांना उपचारासाठी रुग्णालयांत दाखल करावे लागले आहे. रुग्णालयांत दाखल होणाऱ्यांमध्ये ज्येष्ठ नागरिक, कोरोना लसीकरणाचा डोस न घेतलेले आणि सहव्याधी असलेल्या रुग्णांचा समावेश असल्याचे जिल्हा आरोग्य विभागातून सांगण्यात आले.

क्षेत्रनिहाय कोरोना रुग्ण स्थिती
क्षेत्र रुग्णालयात दाखल गृहविलगीकरणातील रुग्ण एकूण रुग्ण

पुणे, १०१९,......२१ हजार ४८४,..... २२ हजार ५०३
पिंपरी चिंचवड,......४५४,....९ हजार ३२,.... ९ हजार ४८६
जिल्हा परिषद,....११९,....४ हजार १९५,.... ४ हजार ३१४
नगरपालिका क्षेत्र,.....८७,... ८९९,.....९८६
कॅंटोन्मेंट बोर्ड,.....७३,.... ६३९,..... ७१२
एकूण, १ हजार ७५२,..... ३६ हजार २४९,....३८ हजार १.