गटतटामुळे गावांचा विकास खुंटतो : घनवट | Sakal
sakal

बोलून बातमी शोधा

गटतटामुळे गावांचा विकास खुंटतो : घनवट
गटतटामुळे गावांचा विकास खुंटतो : घनवट

गटतटामुळे गावांचा विकास खुंटतो : घनवट

sakal_logo
By

चास, ता. १५ : पक्षीय राजकारणामुळे गावागावात गटतट तयार होतात. मात्र, निवडणुका संपताच गावातील नागरिकांनी गटतट विसरून एकत्र येण्याची गरज आहे. कारण या राजकारणामुळेच गावांचा विकास खुंटतो असे मत वाडा-कडूस गटाच्या जिल्हा परिषद सदस्या तनुजा घनवट यांनी मोहकल (ता. खेड) येथे भूमीपूजन व उद्‍घाटन कार्यक्रमात व्यक्त केले. यावेळी ग्रामपंचायतीच्या वतीने कोरोना योद्ध्यांचा सन्मान करण्यात आला.
मोहकल गाव गेली अनेक वर्षांपासून विकासकामांपासून वंच्छित राहिलेले गांव, मात्र या गावात विकासकामांचा सपाटा लावून अत्यंत कमी कालावधीत जास्तीतजास्त अडचणी सोडविण्याचे काम सद्य:स्थितीत वाडा-कडुस गटाच्या जिल्हा परिषद सदस्या तनुजा घनवट यांच्या माध्यमातून सुरू आहे. याचाच एक भाग म्हणून गुरुवारी (ता. १३) गावामध्ये विविध विकासकामांचे भूमीपूजन व उद्‍घाटन करण्यात आले, यामध्ये मुक्ताई मंदिरासमोर सभामंडप बांधणे, कानिफनाथ वस्ती कॅनॅाल ते मिंडे यांच्यापर्यंत रस्ता करणे व हायमॅक्स दिवा बसवणे या कामांचा समावेश होता. या कार्यक्रमासाठी सोसायटीचे सदस्य राजेंद्र गायकवाड, गावच्या सरपंच सुनीता भागवत, उपसरपंच नवनाथ राऊत, हेमंत वीरकर, दिंडीमालक महादेव रणपिसे, सुशीला रणपिसे, नितीन राऊत, संतोष राऊत, माधव रणपिसे, आदिनाथ रणपिसे, बाळू राऊत, अशोक राऊत, विनायक राऊत, बाळशिराम राऊत, कमानचे सरपंच योगेश नाईकरे, बबुसा घनवट उपस्थित होते.
या कार्यक्रमात कोरोनाकाळात फ्रंट वर्कर म्हणून काम केलेल्या कर्मचाऱ्यांचा ग्रामपंचायतीच्यावतीने कोरोना योद्धा म्हणून सन्मान करण्यात आला. यामध्ये अनिता राऊत, वर्षा दौंडकर, मनिषा रणपिसे, शिल्पा राऊत, योगेश राऊत, सुखदेव रणपिसे व ग्रामसेविका प्रियांका वाव्हळ यांना शाल- श्रीफळ, मेडल देवून सन्मानित करण्यात आले. कार्यक्रमाचे सूत्रसंचालन प्रसिद्ध निवेदक सुदाम कराळे यांनी केले तर आभार किरण थोरात यांनी मानले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top