मरकळला दाम्पत्याचे धरणे | Sakal
sakal

बोलून बातमी शोधा

मरकळला दाम्पत्याचे धरणे
मरकळला दाम्पत्याचे धरणे

मरकळला दाम्पत्याचे धरणे

sakal_logo
By

चाकण, ता.३१ : मरकळ (ता.खेड) गावच्या हद्दीतील मोक्याच्या जमिनीवर तसेच त्या जागेतील कंपनीवर महसूल, पोलिस, भूमिअभिलेखचे कर्मचारी यांना हाताशी धरून एकाने कंपाउंड मारून जमिनीवर कब्जा केला आहे तसेच बेकायदेशीर अतिक्रमण केले आहे.
याप्रकरणी तत्कालीन तहसीलदार, पोलिस कर्मचारी, भुकरमापक, मंडलाधिकारी, तलाठी आदींवर कारवाई व्हावी व जमीन आमच्या ताब्यात मिळावी या मागणीसाठी कंपनीचे मालक, शेतकरी रमेश गोडसे व त्यांच्या पत्नी आशा गोडसे यांनी मरकळ येथे गेल्या अडीच महिन्यापासून बेमुदत धरणे आंदोलन सुरू केले आहे. याप्रश्नी मुख्यमंत्र्यांनाही निवेदन दिले आहे. तसेच जिल्हाधिकारी डॉ. राजेश देशमुख यांच्याकडे संबंधित दोषींवर कारवाई करावी, अशी मागणी केली आहे.


प्रशासनाकडून चुकीची भूमिका
रमेश गोडसे यांनी सांगितले की, महसूल प्रशासन व पोलिस प्रशासनाने रवी लांडगे व त्यांच्या साथीदारांना आमच्या मालकीच्या जमिनीत बेकायदेशीर कब्जा करण्यास मदत केली. कंपनीतील मशिनरी चोरून नेली. संबंधितांनी त्यांची जमीन सोडून आमच्या मालकीच्या जमिनीत बेकायदेशीररीत्या कब्जा केला आहे. आळंदी पोलिस ठाण्याच्या पोलिसांना नावे सांगूनही पोलिसांनी संबंधितांवर गुन्हे दाखल न करता अज्ञातांवर गुन्हे दाखल केले आहेत. संबंधितांनी आमच्या जमिनीवर कब्जा करताना काही लोकांचा जमाव आणून आम्हाला शिवीगाळ, मारहाण केली. तसेच प्रशासनाने चुकीची भूमिका घेऊन आमच्यावर अन्याय केला. जोपर्यंत आम्हाला न्याय मिळत नाही तोपर्यंत धरणे आंदोलन सुरू राहणार आहे.

03232

Web Title: Todays Latest District Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top