शिरूर येथे एसटी कामगारांना किराणा किटचे वाटप

शिरूर, ता. १५ : सरदवाडी (ता. शिरूर) येथील दिवंगत भेळविक्रेते लक्ष्मणराव रामभाऊ कुंडलिक यांच्या जन्मदिनाचे औचित्य साधून त्यांच्या कुटुंबीयांनी एसटी कामगारांना किराणा किट भेट दिले.
लक्ष्मणराव कुंडलिक यांच्या जन्मदिनी कुंडलिक कुटुंबीयांनी संपामधील कामगारांची आठवण ठेवली. संपामुळे अनेक कामगारांना पगार मिळत नसल्याने त्यांना प्रपंचाचा गाडा पुढे ढकलणे मुश्‍कील झाले आहे. ही समस्या ओळखून कुंडलिक कुटुंबीयांनी शिरूर बसस्थानकावर येऊन संपात सहभागी झालेल्या एसटी कामगारांना सर्व जीवनावश्‍यक वस्तूंचा समावेश असलेले किराणा कीट भेट दिले. संपामुळे अनेक कामगारांच्या कुटुंबांचे हाल होऊ लागले आहेत. ही बाब ओळखून केवळ सामाजिक बांधिलकीच्या भावनेतून त्यांना किराणा किट दिल्याचे दत्तात्रेय (बंटी) कुंडलिक यांनी सांगितले. यावेळी प्रमोद कुंडलिक, अभिजित कुंडलिक, निखिल कुंडलिक, अनिकेत कर्डिले व कुंडलिक यांचा मित्र परिवार उपस्थित होता. कामगारांच्यावतीने कुंदन कांडेकर, माधव मुंडे, मनोज ओतारी यांनी कुंडलिक परिवाराचे आभार मानले.
PNE22S43439