पर्यटनाच्या माध्यमातून कुंभारगांवला रोजगाराच्या संधी : पाटील | Sakal
sakal

बोलून बातमी शोधा

पर्यटनाच्या माध्यमातून कुंभारगांवला रोजगाराच्या संधी : पाटील
पर्यटनाच्या माध्यमातून कुंभारगांवला रोजगाराच्या संधी : पाटील

पर्यटनाच्या माध्यमातून कुंभारगांवला रोजगाराच्या संधी : पाटील

sakal_logo
By

भिगवण, ता. २६ : उजनी जलाशयावर येणारे स्थलांतरित पक्षी हे देशी विदेशी पर्यटकांचे मुख्य आकर्षण आहे. इंदापूर तालुक्यातील कुंभारगांवला लाभलेले नैसर्गिक सौंदर्य व स्थलांतरित पक्ष्यांमुळे हा भाग पर्यटकांचा आवडता बनला आहे. स्थानिक युवकांनी पर्यटनाकडे व्यावसायिक दृष्टिकोनातून पाहिल्यास पर्यटनाच्या माध्यमातून रोजगाराच्या मोठ्या संधी उपलब्ध होऊ शकतील असे मत माजी सहकार व संसदीय कार्यमंत्री हर्षवर्धन पाटील यांनी व्यक्त केले.
कुंभारगाव (ता. इंदापूर) येथे माजी सहकार मंत्री हर्षवर्धन पाटील व जिजाऊ फेडरेशनाच्या अध्यक्षा भाग्यश्री पाटील यांनी नुकतीच भेट देऊन पक्षी निरीक्षण केले. यावेळी भाजप प्रदेश कार्यकारिणी सदस्य मारुतराव वणवे, संपत बंडगर, कर्मयोगीचे संचालक पराग जाधव, विश्वास देवकाते, माजी उपसभापती संजय देहाडे, उपसरपंच स्वाती भोईटे उपस्थित होते.
पाटील यांनी कुंभारगांव येथे नौकाविहार करून या भागातील फ्लेमिंगो, चित्रबलाक, पाणघर, सीगल, पाण कोंबडया आदी विविध प्रकारच्या पक्ष्यांचे निरीक्षण केले. पक्षी निरीक्षणानंतर पाटील म्हणाले, हजारो किलोमीटरचा प्रवास करून फ्लेमिंगो पक्षी भारतांमध्ये कुंभारगाव येथे येतात. देखणा असलेला फ्लेमिंगो व इतर पक्षी पाहण्यासाठी पर्यटकही इंदापूर तालुक्यातील कुंभारगाव, तक्रारवाडी डिकसळ येथे येत असताना स्थानिकांनी या बाबीकडे व्यावसायिक दृष्टिकोनातून पाहण्याची आवश्यकता आहे. पर्यटकांना सुविधा व युवकांना रोजगार याचा योग्य समतोल साधल्यास इंदापूर तालुक्यातील कुंभारगांव, तक्रारवाडी डिकसळ हा परिसर पर्यटकांची पहिली पसंती बनेल. यावेळी उदय भोईटे, भगवान लोंढे, स्वप्नील लोंढे यांनी कार्यक्रमाचे नियोजन केले.

छायाचित्र क्र.BHN26P02.

Web Title: Todays Latest District Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top