आंबेठाणमध्ये ‘दारी पंढरीची वारी’
जिल्हा परिषद शाळेचा उपक्रम

आंबेठाणमध्ये ‘दारी पंढरीची वारी’ जिल्हा परिषद शाळेचा उपक्रम

Published on

आंबेठाण, ता. २९ : आंबेठाण (ता.खेड) येथील जिल्हा परिषद शाळेत आषाढी एकादशीच्या पार्श्वभूमीवर विठुरायाचा आणि ज्ञानदेव-तुकारामांच्या नामाचा गजर करीत दिंडी सोहळ्याचे आयोजन केले होते.
शाळेतील जवळपास ६५० विद्यार्थ्यांसह १७ शिक्षकांनी या सोहळ्याचे आयोजन केले होते. यावेळी विद्यार्थ्यांनी टाळ-मृदंगाच्या गजरामध्ये संपूर्ण गावांमधून पारंपारिक वेशभूषा परिधान करून विठ्ठल नामाचा जयघोष करीत दिंडी काढली होती. या वेळी विद्यार्थ्यांनी विठ्ठल, रुक्मिणी, संत तुकाराम महाराज, संत ज्ञानेश्वर महाराज यांची वेशभूषा परिधान करून ग्रामपंचायतीसमोर गोल रिंगण धरले होते. त्यामध्ये लेझीम, फुगडी, पावले, अशा प्रकारचे पारंपारिक खेळ खेलले. या दिंडी सोहळ्याच्या निमित्ताने शाळेतील सर्व बाल वारकऱ्यांना ग्रामपंचायतीच्या वतीने खाऊवाटप केले.

सरपंच संघमित्रा नाईकनवरे, उपसरपंच ज्योती मांडेकर, ग्रामपंचायत सदस्य दत्तात्रेय नाईकनवरे, रूपाली गोणते, शाळा व्यवस्थापन समिती अध्यक्ष सचिन मांडेकर, उपाध्यक्ष रवींद्र चव्हाण, कुलदीप पडवळ, दगडू मांडेकर, मानसी नाईकनवरे, पोलिस पाटील तृप्ती मांडेकर, ग्रामविकास अधिकारी रवींद्र उगले आदी उपस्थित होते.
शाळेचे मुख्याध्यापक रोहिदास येळवंडे, विश्वनाथ कांबळे, शिक्षक जयश्री पवार, मच्छिंद्र शेटे, इंदूबाई ठीकेकर, रामकृष्ण लिंगे, कमल शेळकंदे, रामेश्वर पैठने, शीतल लडकत, स्मिता पिंगळे, अनिल वाघोले, शुभांगी मर्डे, कल्याणी आल्हाट, सर्वदा डवरी, शीतल बिचीतकर, पूजा जाधव या सर्वांनी दिंडीचे नियोजन केले होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com