आंबेठाणमध्ये हिरकणी महिला संघाची सर्वसाधारण सभा

आंबेठाण, ता. १६ : पिंपरी बुद्रूक-पाईट जिल्हा परिषद गटातील हिरकणी महिला प्रभाग संघाची वार्षिक सर्वसाधारण सभा आंबेठाण (ता.खेड) येथे पार पडली. उमेद महाराष्ट्र राज्य ग्रामीण जीवनोन्नती अभियानांतर्गत ही बैठक घेण्यात आली. या वेळी दोनशे महिलांनी यात सहभाग घेतला.
या वेळी सर्व ग्रामसंघांनी महिन्याला २०० रुपये बचत प्रभाग संघाकडे जमा करावी. संघाच्या मासिक बैठकीला गैरहजर राहणाऱ्या संघाला पाचशे रुपये दंड करण्याचा ठराव करण्यात आला. या वेळी पदाधिकाऱ्यांनी आंबेठाण येथे कायमस्वरूपी कार्यालयाची मागणी केली. या प्रसंगी माजी जिल्हा परिषद सदस्य शरद बुट्टे पाटील, दत्तात्रेय मांडेकर, शिवाजी डावरे, शुभांगी निमसे, प्रभाग संघाच्या अध्यक्ष स्वप्नाली भोकसे, नम्रता गोगावले, मेघा कारले, समीर सुतार, अमोल राठोड, सारिका वाळुंज, अक्षता देशमुख, पूजा शिवेकर, अमृता गायकवाड, प्रियांका राळे, राजश्री गायकवाड यांच्यासह पदाधिकारी उपस्थित होते.
अर्चना गडदे यांनी बचत गट, ग्राम संघ, प्रभाग संघ हे महिलांच्या सक्षमीकरणासाठी का आवश्यक आहेत, याचे महत्त्व पटवून दिले. लतिका भालेराव यांनी संघाला देण्यात येणाऱ्या निधीबाबत माहिती दिली. परेश देशपांडे यांनी महिला सक्षमीकरणासाठी असलेल्या विविध योजनेची माहिती दिली.
या वेळी प्रभागांतील उत्कृष्ट ग्रामसंघ कोहिंडे बुद्रूक, उत्कृष्ट लिपिक आरती काळे, कोरेगाव बुद्रूक येथील शिवशंभो स्वयंसहाय्यता बचत गटाला सन्मानित करण्यात आले. राजगुरुनगर येथील एचडीएफसी बँकेच्या माध्यमातून दहा हजार रुपयांचा मदतीचा धनादेश प्रभाग संघाला देण्यात आला. या कार्यक्रमासाठी मनीषा रौधळ, सुषमा राळे, ज्ञानेश्वर वाळुंज, अभिजित माळवदकर, रोहिणी पडवळ यांनी विशेष प्रयत्न केले.