पवार यांना ‘ग्रामरत्न सरपंच’ पुरस्कार

आंबेठाण, ता. ३ : सावरदरी (ता. खेड) येथील संदीप पवार यांना राज्यस्तरीय ग्रामरत्न सरपंच पुरस्काराने सन्मानित करण्यात आले आहे. गावात केलेला सर्वांगिण विकास आणि राबविलेल्या विविध योजनांची दखल घेत त्यांना गौरविले आहे.
पवार यांच्या नेतृत्वाखाली सावरदरी ग्रामपंचायतीने स्मार्ट व्हिलेज ही संकल्पना प्रभावीपणे राबविली आहे. तसेच स्वच्छता अभियान, पाणीसंचय प्रकल्प, महिलांसाठी विविध उपक्रम, शिक्षण व आरोग्य क्षेत्रातील सुधारणा आदी महत्त्वपूर्ण उपक्रमांतून त्यांनी गावाचा सर्वांगीण विकास केला आहे. याप्रसंगी रयत शिक्षण संस्थेचे चंद्रकांत दळवी, इतिहास संशोधक श्रीमंत कोकाटे, जलतज्ज्ञ अनिल पाटील, जल अभ्यासक सतीश खाडे, अखिल भारतीय सरपंच परिषदेचे संस्थापक अध्यक्ष जयंत पाटील आदी उपस्थित होते.

हा पुरस्कार माझा एकट्याचा नाही तर संपूर्ण ग्रामस्थांचा आहे. त्यांच्या सहकार्यामुळेच हे यश शक्य झाले. गावात फक्त विकास नव्हे तर जनतेशी विश्वासाचे नाते निर्माण करणे हे माझे मुख्य उद्दिष्ट आहे. यापुढेही पारदर्शक आणि लोकाभिमुख प्रशासन देण्याचा माझा प्रयत्न राहील.
- संदीप पवार, सरपंच सावरदरी.