पिंपळसुटी येथे शालेय साहित्य वाटप

मांडवगण फराटा, ता. १२ : पिंपळसुटी (ता. शिरूर) येथील दिवंगत शिक्षक रविराज वेताळ यांच्या चतुर्थ पुण्यस्मरणानिमित्त सामाजिक बांधिलकीतून येथील न्यू इंग्लिश स्कूल व जिल्हा परिषद प्राथमिक शाळेतील विद्यार्थ्यांना गणवेश व वह्यांचे वाटप करण्यात आले.
या साहित्य वाटपप्रसंगी भाजपचे तालुका अध्यक्ष राहुल पाचर्णे, पंचायत समितीचे माजी सदस्य लक्ष्मण फराटे, राजेंद्र गदादे यांची प्रमुख उपस्थिती होती. या शाळांतील ३०० गरजू विद्यार्थ्यांना वह्या व १० गरजू विद्यार्थ्यांना गणवेश मिळाल्याने त्यांना शालेय शिक्षणासाठी मोठा आधार मिळाला आहे. शालेय साहित्य मिळाल्याने विद्यार्थ्यांच्या चेहऱ्यावरील आनंद ओसंडून वाहत होता.
यावेळी सरपंच निर्मला फलके, शशिकांत वेताळ, रामदास काळे, रावसाहेब फराटे, नानासाहेब फलके, ऋषीकांत फराटे, बाळासाहेब खळदकर, फत्तेसिंग वाबळे, काका मोहिते, शांताराम सातपुते, देवराम वाघचौरे, मुख्याध्यापक जयश्री मोरे, सुभाष कापरे आदी उपस्थित होते. कार्यक्रमाचे प्रास्ताविक उत्तम कांबळे यांनी केले. ज्ञानेश्वर वेताळ यांनी आभार मानले.