गाईला क्रूरतेने वागणूक; दोघांवर गुन्हा
आंधळगाव, ता.१७ : वडगाव रासाई(ता.शिरूर) येथे एका जर्सी गायीला अन्न-पाण्याविना सोडून तिच्या पायांना दोरीने बांधून ठेवण्याचा प्रकार उघडकीस आला आहे. वन विभागाच्या हद्दीत मंगळवारी (ता.१२) रात्री साडेनऊ वाजण्याच्या सुमारास ही घटना घडली. या प्रकरणी पोलिस अंमलदार तानाजी बाबूराव बाबर यांच्या फिर्यादीवरून संतोष ज्ञानदेव संकपाळ (३८,रा. आंबळे कळवंतवाडी ता.शिरूर) व नशीर बशीर सय्यद (४७,रा.वडगाव रासाई ता.शिरूर) या दोघांविरुद्ध शिरूर पोलिस ठाण्यात प्राण्यांना क्रूरतेने वागणूक प्रतिबंध अधिनियमांतर्गत गुन्हा दाखल करण्यात आला आहे. जर्सी गाईसह पिकअप असा एकूण ४ लाख १६ हजारांचा मुद्देमाल पोलिसांनी जप्त केला आहे.
पोलिसांनी दिलेली माहिती अशी की, गोरक्षक अमोल आनंदा चौगुले यांनी मंगळवारी रात्री पोलिसांना फोन करून वडगाव रासाई येथे दोघेजण एक गाय घेऊन जाण्यासाठी आले असल्याची माहिती दिली. यावेळी गाईला घेऊन जात असताना चौगुले यांचे सहकारी ऋतिक शेलार, मयूर लकडे, मच्छिंद्र चौगुले, राजू पवार यांनी दोघांना जागीच पकडले. त्यानंतर तानाजी बाबर व पोलिस हवालदार एस.पी.खबाले घटनास्थळी जाऊन पाहणी केली असता अन्न-पाण्याविना व अंगावर जखमा असलेली तसेच पुढील पाय दोरीने बांधलेली काळ्या-पांढऱ्या रंगाची जर्सी गाय आढळून आली. गाईची किंमत अंदाजे १६ हजार रुपये असून चार लाख रुपये किंमत असलेली बोलेरो पिकअप (क्र.एमएच १६ सीसी ७९०९) पोलिसांनी जप्त केली. या गाईला चारा-पाण्याची कोणतीही व्यवस्था न करता क्रूरतेने वागविल्याचे समोर आले. पुढील तपास पोलिस हवालदार शिंदे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.