शिरूर तालुका महिला सरचिटणीसपदी कविता टेमगिरे

आंधळगाव, ता. २५ : पारोडी(ता. शिरूर) ग्रामपंचायतीच्या उपसरपंच कविता बाळासाहेब टेमगिरे यांची राष्ट्रवादी काँग्रेस पक्षाच्या शिरूर तालुका महिला आघाडीच्या सरचिटणीसपदी निवड करण्यात आली आहे.
शिक्रापूर येथे रविवारी (ता.२४) शिरूर-हवेलीचे आमदार माउली कटके, जिल्हा परिषदेचे आरोग्य व बांधकाम विभागाचे माजी सभापती मंगलदास बांदल, राष्ट्रवादी काँग्रेस पक्षाच्या महिला जिल्हा अध्यक्षा मोनिका हरगुडे, जिल्हा परिषदेच्या माजी सदस्या रेखा बांदल, शिरूर तालुका महिला अध्यक्षा आरती भुजबळ, युवकचे तालुका अध्यक्ष राहुल रणदिवे यांच्या उपस्थितीमध्ये टेमगिरे यांना निवडीचे पत्र दिले.
या वेळी चिंतामण टेमगिरे, अमोल भोसले, प्रतीक गवारे, माउली टेमगिरे, गणेश टेमगिरे, बायडाबाई लोखंडे, दादा ढमढेरे, अविनाश ढमढेरे, आकाश टेमगिरे, सागर टेमगिरे, निखिल खेंगट, गणेश कोतवाल, गौरी टेमगिरे, विक्रम टेमगिरे, रवी टेमगिरे, अजित टेमगिरे, महादेव टेमगिरे, अनिकेत खेंगट, रोहन जाधव यांच्यासह कार्यकर्ते उपस्थित होते.