मांडवगणला किरकोळ वादातून हल्ला

मांडवगण फराटा, ता. १० : देवाच्या कार्यक्रमात झालेल्या किरकोळ वादातून २१ जणांनी एकाच कुटुंबातील सदस्यांवर चाकू आणि लाकडी दांडक्यानी हल्ला केल्याची घटना मांडवगण फराटा (ता. शिरूर) येथील गणेश लॉन्ससमोर बुधवारी (ता. ८) रात्री सव्वा नऊच्या सुमारास घडली. या प्रकरणी मनोज भैरू कोळपे (वय २४, रा. कोळपेवस्ती, मांडवगण फराटा) यांनी दिलेल्या फिर्यादीवरून २१ जणांविरुद्ध शिरूर पोलिस ठाण्यात गुन्हा दाखल केला आहे.
देवाच्या कार्यक्रमात ‘वाद का घातला’ या कारणावरून आरोपी भिवा भाऊसाहेब कोळपे याने चाकूने मनोज यांच्या पोटाच्या उजव्या बाजूस वार केला. त्यानंतर इतर आरोपी तात्या कोळपे, भानुदास कोळपे, राजेंद्र कोळपे, नीलेश कोळपे, बाळासाहेब कोळपे, धनंजय कोळपे, सुनील कोळपे, संदीप कोळपे, धुळा कोळपे, भीमराव कोळपे, सिदा कोळपे, गंगाराम कोळपे, सुरेश कोळपे, रामभाऊ कोळपे, मनीषा कोळपे, निर्मला कोळपे, साळुबाई कोळपे, सरुबाई कोळपे, सुभाष कोळपे, परशुराम कोळपे यांनी लाकडी दांडक्यानी हल्ला केला. या हल्ल्यात मनोज कोळपे यांचे भाऊ दादा कोळपे, चुलते विठ्ठल कोळपे, शहाजी कोळपे, अनिल कोळपे, सोनाली सोनवलकर, ताराबाई कोळपे, रेश्मा कोळपे यांना मारहाण केली. हल्ल्यानंतर आरोपींनी शिवीगाळ, दमदाटी करत घटनास्थळावरून पळ काढला. या प्रकरणाचा तपास पोलिस निरीक्षक संदेश केंजळे यांच्या मार्गदर्शनाखाली पोलिस उपनिरीक्षक नकाते करत आहेत.