नागरगाव विद्यालयास भिंतीवरील घड्याळ भेट

आंधळगाव, ता. ५ : नागरगाव (ता. शिरूर) येथील सद्‍गुरु कृपा माध्यमिक विद्यालयास सेकंडरी स्कूल एम्प्लॉईज को-ऑपरेटिव्ह क्रेडिट सोसायटी लि. मुंबई यांच्या वतीने भिंतीवरील मोठे घड्याळ भेट देण्यात आले. पतसंस्थेचे संचालक तुकाराम बेनके यांनी ही भेट शाळेच्या मुख्याध्यापिका संगीता कदम व शिक्षकवृंदाकडे सुपूर्द केली. पतसंस्थेचे यंदा सुवर्णमहोत्सवी वर्ष असून त्यानिमित्त असलेल्या सभासद शाळांसाठी विशेष उपक्रम राबविण्यात येत आहे. या उपक्रमाअंतर्गत संचालक मंडळामार्फत प्रत्येक सभासद शाळेला प्रत्यक्ष भेट देऊन घड्याळ व कॅलेंडर भेट म्हणून प्रदान करण्यात येत आहे. पतसंस्थेचे अध्यक्ष चंद्रकांत पाटील यांच्या संकल्पनेतून हा उपक्रम राबविण्यात येत असून, संचालक मंडळ शाळांना भेट देत सभासदांशी संवाद साधत आहे. यावेळी महाराष्ट्र राज्य टी.डी.एफ. संघटनेचे समन्वयक दादासाहेब गवारे, बाळासाहेब बारवकर, संतोष चव्हाण आदी उपस्थित होते.