सोळू येथे अपघातात दुचाकीस्वाराचा मृत्यू

आळंदी, ता. ९ : अज्ञात चारचाकी वाहनाने दुचाकीला धडक दिल्याने झालेल्या अपघातात एकाचा मृत्यू झाला. बाळू पोपट केवळ (वय ५४, रा. ठाकरवस्ती, चऱ्‍होली खुर्द), असे मृत्यू झालेल्याचे नाव आहे.
हा अपघात २८ सप्टेंबरला आळंदी- मरकळ रस्त्यावर सोळू गावचे हद्दीत झाला. याप्रकरणी अज्ञात चारचाकी वाहनचालकावर आळंदी पोलिस ठाण्यात सोमवारी (ता. ७) गुन्हा दाखल केला. याबाबत फिर्याद मृताचा मुलगा लखन बाळू केवळ यांनी दिली. आळंदी पोलिसांनी दिलेल्या माहितीनुसार, बाळू केवळ हे त्यांच्याकडील दुचाकीवरून (क्र. एम.एच. १४ एफ.यू. ३१५०) मरकळहून आळंदीकडे घरी जाण्यासाठी येत होते. यावेळी सोळू येथे त्यांच्या दुचाकीस अज्ञान वाहनाने ठोकरले. या अपघातात डोक्याला आणि कानाजवळ गंभीर मार लागल्याने त्यांचा मृत्यू झाला. याबाबत घटनास्थळावरून अज्ञात वाहन चालक पळून गेला.