शिक्षकांच्या वर्गणीतून सुवर्ण कळसाला ११ लाख

आळंदी, ता. ११ : ज्ञानेश्‍वर महाराज संजीवन समाधी मंदिराच्या सुवर्णकलशासाठी आळंदीतील ज्ञानेश्‍वर विद्यालयाकडून आणि सेवाभावी संस्थांकडून अकरा लाख २३ हजार ६२६ रुपये देणगी देण्यात आली. ही देणगीरूपी मदत आळंदी देवस्थानचे प्रमुख विश्‍वस्त योगी निरंजननाथ विश्‍वस्त चैतन्य महाराज कबीर ॲड. राजेंद्र उमाप, पुरुषोत्तम महाराज पाटील यांच्याकडे सुपूर्द करण्यात आली.
संत ज्ञानेश्‍वर महाराज मंदिरावर अकरा किलो सुवर्ण कलश साकारण्याचा संकल्प केला आहे. त्याला प्रतिसाद देत आळंदीतील ज्ञानेश्‍वर विद्यालयाने विद्यालयातील शिक्षक, संस्थाचालक तसेच कर्मचाऱ्यांनी आठ लाख देणगी दिली. आळंदीतील श्‍वेतांबर स्थानकवासी जैन संघाने एक लाख ११ हजार, जलाराम सत्संग मंडळ एक लाख ११ हजार, इंद्रायणी इंडस्ट्रिअल असोसिएशनने ७५ हजार, अशी एकूण अकरा लाख २३ हजार रुपयांची मदत माउलींच्या चरणी अर्पण करण्यात आली. अध्यक्षस्थानी डॉ. नारायण महाराज जाधव, योगी निरंजननाथ, विश्‍वस्त चैतन्य महाराज लोंढे, ॲड. राजेंद्र उमाप, पुरुषोत्तम पाटील, प्रमुख व्यवस्थापक ज्ञानेश्‍वर वीर, ज्ञानेश्‍वर शिक्षण संस्थेचे अध्यक्ष सुरेश वडगावकर, सचिव अजित वडगावकर, लक्ष्मण घुंडरे, शहाजीराव करपे, भगवानराव साकोरे, महेंद्र फणसे, शंकर साळुंखे, राजेंद्र कांबळे, ज्योती बेदमुथा, बबनराव कुऱ्हाडे, शारदा वडगावकर, नंदकुमार कुऱ्हाडे, संजय घुंडरे, आदित्य घुंडरे उपस्थित होते. आळंदीतील मंदिरात दररोज सेवाभावी स्वच्छतेचे काम करणाऱ्या मंडळाच्या सभासदांनी दोन लाख २१ हजार रुपये सुवर्ण कळसासाठी मदत केली. ही मदत मंडळाचे अध्यक्ष सुनील तापकीर आणि डॉ. सारंग जोशी यांनी देवस्थानकडे दिली. ज्ञानेश्‍वर विद्यालयात शिकलेल्या १९९६-९७ च्या माजी विद्यार्थ्यांनी वर्गणी गोळा करून ७५ हजार रुपयांची देणगी देवस्थानला दिली.