आळंदीत समूहगीत गायन

आळंदी, ता. १७ : ध्यास फाउंडेशन संचलित महर्षी वाल्मीकी बालकमंदिर, महर्षी वाल्मीकी विद्यावर्धिनी व डॉ. माधवराव सानप विद्यालय व कनिष्ठ महाविद्यालय येथील प्रशालांत स्वातंत्र्याचा अमृत महोत्सव साजरा करण्यात आला. यानिमित्ताने मिशन सिंदूर या विषयाला धरून सांस्कृतिक कार्यक्रम व डंबेल्स शारीरिक कसरती, संचलन, समूहगीत गायन यांचे आयोजन केले होते.
संस्थेचे विश्वस्त मुकुंद कुलकर्णी यांचे हस्ते ध्वजवंदन करण्यात आले. ऑलिम्पियाड स्पर्धा परीक्षेत यशस्वी विद्यार्थ्यांचे सन्मान करण्यात आले. तसेच प्रशालेत शुक्रवार (ता. १) ते गुरुवार (ता. १४) दरम्यान स्वच्छतेचे महत्त्व वा सवय अंगी रुजविण्यासाठी आमचा वर्ग, स्वच्छ वर्ग या उपक्रमाचे आयोजन करण्यात आले होते. यात दुसरी व आठवी या वर्गांचा क्रमांक आल्याने त्यांचा सत्कार करण्यात आला. यावेळी संस्थेच्या संचालिका अक्षता कुलकर्णी, व्यवस्थापक गोपाल उंबरकर आदी उपस्थित होते. विद्या खराडे यांनी सूत्रसंचालन व नियोजन केले.