चारचाकी मोटारच्या धडकेत तरुण जखमी

आळंदी, ता. १६ : दूध आणण्यासाठी पायी जाणाऱ्या नाना गायकवाड (वय ३८) यांना भरदाव वेगातील चार चाकी मोटारीने धडक दिली. यामध्ये नाना ऊर्फ सुरेश गायकवाड (वय ३८, रा. कोयाळी, ता. खेड) गंभीर जखमी झाले. अपघात प्रकरणी आळंदी पोलिस ठाण्यामध्ये अज्ञात इसमावर गुन्हा दाखल केला आहे.
ही घटना सोमवारी (ता. १३) सायंकाळी साडेसात वाजण्याच्या सुमारास कोयाळी मरकळ रस्त्यावरील शिवनेरी हॉटेल समोर घडली. याप्रकरणी फिर्याद मंगेश सत्यवान गायकवाड यांनी बुधवारी (ता. १५) आळंदी पोलिस ठाण्यामध्ये दिली.