आळंदी नगरपरिषदेत पत्रकारांचा सन्मान

आळंदी, ता. ६ : ‘‘प्रशासन आणि नागरिक यांच्यातील प्रमुख दुवा म्हणून पत्रकार काम करत असतात. सामाजिक प्रश्नांना वाचा फोडून पत्रकार शहर विकासाबाबत पारदर्शक आणि सकारात्मक भूमिका लेखणीतून मांडतात. आळंदीबाबत कोणतीही अडचण समस्या निदर्शनात आल्यास सर्व प्रथम प्रशासनास कळवावे,’’ असे आवाहन मुख्याधिकारी माधव खांडेकर यांनी केले.
आळंदी नगर परिषद कार्यालयात पत्रकार दिन साजरा करण्यात आला. यावेळी बाळशास्त्री जांभेकर यांच्या प्रतिमा पूजन केले. नगर परिषदकडून आळंदी शहरातील पत्रकारांचा नवनिर्वाचित नगराध्यक्ष प्रशांत कुऱ्हाडे आणि मुख्याधिकारी माधव खांडेकर यांनी सन्मान केला. त्यावेळी मुख्याधिकारी बोलत होते. यावेळी नगरसेवक आणि कर्मचारी उपस्थित होते.