आळंदीत अस्थिकलश पूजन

आळंदी, ता. ५ : दिवंगत उपमुख्यमंत्री अजितदादा पवार यांच्या अस्थिकलशाचे आळंदी (ता. खेड) येथे विधिवत पूजन करून श्रद्धांजली वाहण्यात आली.
यावेळी शहरातील सर्व पक्षिय पदाधिकारी, स्थानिक नागरिक, सेवाभावी संस्थांचे पदाधिकारी,वारकरी विद्यार्थी, कार्यकर्ते उपस्थित होते. गुरुवारी (ता. ५) पवार यांच्या अस्थिकलश शहरात आल्यानंतर रथावर ठेवून फुलांच्या साहाय्याने सजविण्यात आला. त्यानंतर टाळ मृदंगाचा गजर करत शहरातून फिरविण्यात आला. यावेळी भाविकांनी अस्थिकलशाचे दर्शन घेत दादांना श्रद्धांजली अर्पण केली. त्यानंतर इंद्रायणी घाटावर कलश आणून विधिवत पूजन करण्यात आले. यावेळी धीरज कुबेर यांनी पौराहित्य केले.

07118