ज्ञानेश्वर विद्यालयातील दोघे एनएमएमएस शिष्यवृत्तीस पात्र

आळंदी, ता. २६ : येथील ज्ञानेश्वर विद्यालयातील दोन विद्यार्थ्यांनी राष्ट्रीय आर्थिक दुर्बल घटकांसाठीच्या (एनएमएसएस) परिक्षेत यश संपादन करून शिष्यवृत्ती मिळवली आहे. विश्वजित साहू आणि नक्ष टोणपे या दोन्ही विद्यार्थ्यांना शासनाकडून दरवर्षी १२ हजार रुपये यांप्रमाणे ४ वर्षांसाठी एकूण ४८ हजार इतकी शिष्यवृत्ती मिळणार आहे. या परीक्षेसाठी विद्यालयातील १४८ विद्यार्थी बसले होते. विद्यार्थ्यांच्या या यशामुळे विद्यालयाचा लौकिक वाढला आहे. संस्थेचे सचिव अजित वडगावकर, विद्यालयाचे प्राचार्य किसन राठोड, उपप्राचार्य प्रशांत सोनवणे, पर्यवेक्षिका अनिता पडळकर, हेमांगी उपरे, शिक्षक व पालकांच्या वतीने यशस्वी विद्यार्थी, मार्गदर्शक शिक्षक व समन्वयक यांचे अभिनंदन करण्यात आले .