जैविक खताच्या जोरावर बहरली ''बबली''

जैविक खताच्या जोरावर बहरली ''बबली''

आळेफाटा, ता. २९ : भोरवाडी (ता.जुन्नर) येथील प्रगतशील शेतकरी अशोक काळे यांनी बबली वाणाच्या चवळीचे वीस गुंठ्यात भरघोस उत्पादन घेतले आहे. बारभावाचा वेध, पाणी तसेच जैविक खतांचे योग्य व्यवस्थापन यांचा समतोल साधल्याने केवळ ७५ दिवसांत पीक बहरले. यामुळे त्यांना एक टनापेक्षाही अधिक उत्पादन घेण्याची किमया साधली आहे. सध्या दिवसाआड ४०० किलो चवळीचा तोडा मिळत असून, १० किलोस ३५० रुपये बाजारभाव मिळत आहे.

साधारणपणे ३ फेब्रुवारीत लागवड केल्यानंतर ७५ दिवसांमध्ये चवळीचे पीक तोडणीला आले. यासाठी काळे यांना ५० हजार रुपये खर्च आला. सुरवातीला जमीन ट्रॅक्टरच्या सहाय्याने नांगरल्यानंतर रोटरून केली. त्यानंतर दोन ट्रॉली कोंबड खत पांगवले व साडेपाच फुटांच्या अंतरावर बेड पध्दतीने मंल्चिंग पेपर टाकून सरी काढली व यामध्ये दोन फुटांच्या अंतरावर बबली या जातीचे बियाणे लावले. तसेच संपूर्ण पिकाला टोमॅटोच्या पिकाला ज्या पद्धतीने मांडव केला जातो. त्याच पद्धतीने लाकडाचा मांडव उभा करून, झाडाच्या फांद्या सुतळीने बांधून आधार दिला.

दरम्यान, चवळी पिकातून झालेला खर्च देखील फिटला आहे व जवळपास ८ महिने हे पीक चालणार आहे. त्यातून चांगला नफा मिळेल. असा विश्‍वास काळे यांनी ''सकाळ''शी बोलताना व्यक्त केला, पीक घेण्यासाठी शेती मित्र किरण पकाळे, कृषी मित्र बाबाजी बांगर यांचे मार्गदर्शन लाभले.

.....
चवळी पीक लागवड केल्यापासून आठ ते बारा महिने चालते. सध्या त्या बाजारात चांगली चांगली मागणी आहे. तसेच गेल्या तीन वर्षांपासून, दहा किलोस ३५ ते ५० रुपये बाजारभाव मिळत आहे. तसेच या पिकासाठी कुठल्याही प्रकारे रासायनिक खतांचा वापर न करता जैविक खतांचा वापर केला आहे. यामुळे पीक चांगले बहरले व उत्पादनात वाढ झाली.
- अशोक काळे, प्रगतशील शेतकरी

02784

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com