आळेफाळा उपबाजारात कांदा १८० रुपये प्रतिदहा किलो

आळेफाटा, ता.११ : जुन्नर कृषी उत्पन्न बाजार समितीच्या आळेफाटा येथील उपबाजारात शुक्रवार (ता. १०) कांद्याच्या २८ हजार ९७६ पिशव्यांची आवक झाली. बाजारात एक नंबर गोळा कांद्यास प्रतिदहा किलोला १८० रुपये बाजारभाव मिळाला.

बाजारातील मोढ्यांत एक नंबर कांद्यास दहा किलोस १६० ते १८०, दोन नंबरला १४० ते १६०, तीन नंबर गोल्टी १०० ते १३५, चार नंबर बदला-चिंगळी कांद्यास ३० ते ११० रुपये बाजारभाव मिळाला, अशी माहिती कृषी उत्पन्न बाजार समितीचे सभापती संजय काळे, संचालक प्रीतम काळे, सचिव रूपेश कवडे व व्यवस्थापक प्रशांत महाबरे यांनी दिली.

दरम्यान, येथील बाजार समितीत गेल्या आठवड्यात कांद्याच्या बाजारभावात किलोमागे २ ते ३ रुपयांनी बाजारभावात वाढ झाली होती. परंतु शुक्रवारी झालेल्या मोंढ्यात बाजारभावात पुन्हा घसरण झालेली आहे, अशी माहिती संतोष कुऱ्हाडे, विजय कुऱ्हाडे, अनिल गडगे, शिवप्रसाद गोळवा, ज्ञानेश्वर गाढवे, संदीप कोरडे यांनी दिली.

04594