आळेफाटा येथील बाजारामध्ये नव्या कांद्याची आवक घटली

आळेफाटा, ता.२८ : जुन्नर बाजार समितीच्या आळेफाटा येथील उपबाजारात रविवारी (ता. २७) कांद्याच्या आठ हजार २२५ गोण्यांची आवक झाली. बाजार समितीत नवीन कांद्यांची आवक घटली आहे. या आठवड्यात बाजारभाव कमी होत आहेत.

बाजारात मोठ्या आकाराच्या एक नंबर गोळा कांद्यास दहा किलोस १३० रुपये बाजारभाव मिळाला असल्याची माहिती बाजार समितीचे सभापती संजय काळे, उपसभापती प्रीतम काळे, सचिव रूपेश कवडे व आळेफाटा येथील कार्यालय प्रमुख दीपक म्हस्करे यांनी दिली.
बाजारात सुपर एक नंबर कांद्यास दहा किलोस ११० ते १३०, सुपर मध्यमच्या दोन नंबरला ९० ते ११०, तीन नंबरला ७० ते ९० तर चिंगळी कांद्यास ४० ते ८० रुपये बाजारभाव मिळाला.
दरम्यान, बाजारभाव मिळत नसल्याने कांदा उत्पादक शेतकरी अडचणीत आला असल्याची माहिती कांदा व्यापारी रामदास शिंदे, तान्हाजी कुऱ्हाडे, संतोष कुऱ्हाडे, अनिल गडगे, ज्ञानेश्वर गाढवे, शिवप्रसाद गोळवा, विजय कुऱ्हाडे, सचिन डावखर, सागर कुऱ्हाडे, चैतन्य कुऱ्हाडे, शरीफ पटेल, सचिन जाधव, संदीप लोढा, युवराज खोत, संतोष गांधी, भळगट मामा, पापा मोमीन, अरीफ पटेल यांनी दिली.