आळेफाटा येथील बाजारात कांद्याची आवक घटली

आळेफाटा, ता.१८ : जुन्नर कृषी उत्पन्न बाजार समितीच्या आळेफाटा येथील उपबाजार समितीत रविवारी (ता. १८) कांद्याच्या १० हजार ५४ गोण्यांची आवक झाली. सध्या बाजारात नवीन कांद्याची आवक घटली आहे.
बाजारात मोठ्या आकाराच्या एक नंबर गोळा कांद्याच्या प्रतिदहा किलोस १४० रुपये बाजारभाव मिळाला. सुपर एक नंबरला १३० ते १४०, सुपर मध्यमच्या दोन नंबरला १० ते १३०, तीन नंबरला ९० ते ११० तर चिंगळी कांद्यास ३० ते ८० रुपये बाजारभाव मिळाला आहे, अशी माहिती बाजार समितीचे सभापती संजय काळे, उपसभापती प्रीतम काळे, सचिव रूपेश कवडे व आळेफाटा येथील कार्यालय प्रमुख दीपक म्हस्करे यांनी दिली.
दरम्यान, येथील कांद्याचे बाजारभाव आठवड्यात कमी झाल्याची माहिती कांदा व्यापारी रामदास शिंदे, तान्हाजी कुऱ्हाडे, अनिल गडगे, ज्ञानेश्वर गाढवे, शिवप्रसाद गोळवा, सचिन डावखर, शरीफ पटेल, सचिन जाधव, संदीप लोढा, संतोष गांधी, भळगट मामा, पापा मोमीण, अरीफ पटेल यांनी दिली.