‘जिल्ह्याचा पर्यटन आराखडा तयार’

आळेफाटा, ता.२४ : ‘‘सबस्टेशनचा फायदा या परिसरातील गावांना होणार आहे तसेच जिल्ह्याच्या पर्यटन आराखडा तयार केला आहे. या मध्ये विशेष करून जुन्नर तालुका हा राज्यात पर्यटन तालुका जाहीर झाला आहे. भविष्यात पर्यटनाच्या मार्फत युवकांना मोठ्या प्रमाणात रोजगार या ठिकाणी उपलब्ध होणार आहे.तसेच या गावाची मोजणी करण्यात आली त्यामुळे लोकांमधील वाद कमी होणार आहे,’ असे मत उपमुख्यमंत्री अजित पवार यांनी व्यक्त केले.
बोरी बुद्रुक (ता.जुन्नर) येथे ३३/११ के.व्ही. सबस्टेशन भूमीपूजन सोहळा व स्मार्ट व्हिलेज पर्यटनग्राम शेतजमीन मोजणी प्रकल्पातील क पत्रकाचे वाटप प्रसंगी ते बोलत होते. यावेळी ते म्हणाले, की लाडक्या बहिणींना नाराज करणार नाही. त्यांच्यामुळेच आम्ही निवडून आलोय. त्यामुळे त्यांच्या खात्यावर दर महिन्याला मिळत असलेले पंधराशे रुपये बंद होणार नाही.
याप्रसंगी माजी मंत्री व आंबेगाव तालुक्याचे आमदार दिलीप वळसे पाटील, माजी खासदार शिवाजीराव आढळराव पाटील, माजी आमदार अतुल बेनके, जिल्हाधिकारी जितेंद्र डुडी, डॉ. सुहास दिवसे, मुख्य अधिकारी गजानन पाटील, महावितरणचे प्रादेशिक संचालक भुजंग खंदारे, सुधीर काकडे, युवराज जरग, शांताराम बांगर, कृषी उत्पन्न बाजार समितीचे सभापती ॲड.संजय काळे, शरद लेंडे, आशा बुचके, गणपतराव फुलवडे, अनंतराव चौगुले,प्रकाश जाधव, बाळासाहेब औटी, वल्लभ शेळके,भास्कर गाडगे, प्रियंका शेळके, संतोष खैरे, जयसिंग औटी गावच्या सरपंच वनिता डेरे, माजी सरपंच पुष्पा कोरडे,दिनेश जाधव,मोजणी समितीचे अध्यक्ष रंजन जाधव, ॲड.संजय टेंबे,पर्यटन व सांस्कृतिक वारसा संवर्धन संस्थेचे अध्यक्ष अमोल कोरडे, तंटामुक्त समितीचे अध्यक्ष युवराज कोरडे,गणेश औटी, सतीश जाधव,सुनील जाधव तालुक्यातील विविध संस्थांचे पदाधिकारी, सरपंच, उपसरपंच,सदस्य ग्रामस्थ उपस्थित होते.