कांदा साठवणुकीबाबत शेतकऱ्यांनी मार्गदर्शन

आळेफाटा, ता.३० : जाधववाडी (ता.जुन्नर) येथे शास्त्रशुद्ध कांदा काढणी आणि साठवणूक‌ शेतकऱ्यांनी कशी करावी? या विषयावर प्रशिक्षणाचे आयोजन केले होते. त्याचा लाभ ४० शेतकऱ्यांनी घेतला.
जागतिक संशोधन संस्था व गायब संस्था, पुणे यांच्या संयुक्त विद्यमाने शास्त्रशुद्ध कांदा काढणी आणि साठवणूक‌ या विषयावर शेतकऱ्यांसाठी प्रशिक्षण आयोजित केले होते. या कार्यक्रमात बाह्य संस्थेचे विभागीय अधिकारी गणेश शेवाळे यांनी कांदा उत्पादक शेतकऱ्यांना बीज प्रक्रिया रोपवाटिका कांदा लागवड कीड रोग व्यवस्थापन, शासकीय योजना, कांदा पिकापासून विविध मूल्यवर्धित उत्पादने यामध्ये कांदा पावडर, कांदा लोणचे, कांदा रस, कांदा तेल या प्रक्रिया उद्योगाबाबत इत्यादी विषयांवर मार्गदर्शन केले.
जाधव वाडी येथील कृषी मित्र उत्तम जाधव यांनी कांदा पिकात पाण्याचा कार्यक्षम वापर शेतकऱ्यांना कांदा साठवणूक ही पूर्वी द्यावयाची काळजी, कांद्याचे जीवनातील महत्त्व कांदा साठवल्यानंतर नुकसान कसे कमी करता येईल इत्यादी विषयावर मार्गदर्शन केले.
कार्यक्रमाचे अध्यक्षस्थानी किसन जाधव होते. वसंत गधंट यांनी सूत्रसंचालन तर सरपंच अजित जाधव यांनी आभार मानले.