गणेश सहकारी दूध संस्थेमध्ये गवळ्याचे गुलाब देऊन स्वागत

आळेफाटा, ता.२ : राजुरी (ता.जुन्नर) येथील गणेश सहकारी दूध व्यावसायिक संस्थेच्या वतीने जागतिक दूध दिवस उत्साहात साजरा करण्यात आला. यावेळी गवळी दूध संकलनासाठी संस्थेत आल्यानंतर त्यांचे गुलाब पुष्प देऊन स्वागत करण्यात आले.
यावेळी गणेश सहकारी दूध व्यावसायिक संस्थेचे अध्यक्ष सुभाष औटी, उपाध्यक्ष दिलीप घंगाळे, बाळासाहेब हाडवळे, लक्ष्मण घंगाळे, तुकाराम डुंबरे, माऊली घंगाळे, साईनाथ हाडवळे, गंगाराम औटी, विक्रम डुंबरे, सुधीर डुंबरे, संजय औटी, नीलेश हाडवळे, किसन गुळवे, सुवर्णा औटी, ज्योती हाडवळे, संस्थेचे सचिव निवृत्ती हाडवळे यांच्यासह दूध उत्पादक गवळी बांधव, कर्मचारी उपस्थित होते.
राजुरीतील सर्व दूध उत्पादक संस्थेला दूध पुरवठा करत आहेत. गावात ८० टक्के शेतकरी दुग्ध व्यावसायिक आहेत. सहकार तत्त्वावर चालणारी ही संस्था नावाजलेली असून संस्थेला यापूर्वी देश पातळीवर सहकार क्षेत्रातील पुरस्कार देऊन गौरवण्यात आले आहे.
पुढील काळात गणेश सहकारी दूध व्यावसायिक संस्थेच्या वतीने दूध उत्पादक गवळी बांधवांना दूध उत्पादनासाठी अभ्यास वर्ग तसेच वेगवेगळे उपक्रम संस्था राबवणार असल्याची माहिती अध्यक्ष औटी यांनी दिली.

06476