देशसेवा बजावत निवृत्त झालेल्या हाडवळे यांचा सन्मान

आळेफाटा, ता. ५ : राजुरी (ता. जुन्नर) गावातील प्रवीण गुलाबराव हाडवळे २० वर्षांची देशसेवा करून निवृत्त झाले आहेत. नुकत्याच झालेल्या ‘ऑपरेशन सिंदूर’ मध्ये त्यांचा सहभाग होता. त्यांचा गावाच्यावतीने तसेच फुलागंगा मळ्यामधील विघ्नहर्ता गणेश मित्र मंडळाच्यावतीने सत्कार करण्यात आला.
याप्रसंगी माजी सभापती दीपक औटी, दत्तात्रेय महाराज भोर, सरपंच प्रिया हाडवळे, उपसरपंच माउली शेळके, वल्लभ शेळके, एम. डी. घंगाळे, विघ्नहर सहकारी साखर कारखान्याचे माजी संचालक कुंडलिक हाडवळे, सुभाष औटी, गोरक्ष हाडवळे, चंद्रकांत जाधव, शाकीर चौगुले, पंकज कणसे, मुरलीधर औटी, कॅ. महादेव हाडवळे, मंडळाचे अध्यक्ष रामदास सरोदे, गोविंद हाडवळे,
पांडुरंग हाडवळे, सावळेराम हाडवळे, देवराम हाडवळे, संपत हाडवळे उपस्थित होते
हाडवळे यांनी त्रिपुरा, जम्मू, ओरिसा, राजस्थान, आसाम, पंजाब, जम्मू या ठिकाणी देशसेवा बजावली आहे. निवृत्त झाल्यानंतर गावात आल्यावर त्यांच्यावर जेसीबीतून पुष्पवृष्टी करण्यात आली. त्यांची गावातून मिरवणूकही काढण्यात आली. यावेळी झालेल्या कार्यक्रमात त्यांचा सन्मान करण्यात आला. सूत्रसंचालन जि. के. औटी यांनी केले.