रेडा संजीवन समाधी मंदिर पालखीचे १९ ला प्रस्थान

आळेफाटा, ता. ९ : संत ज्ञानेश्‍वर महाराजांनी वेद बोलाविलेल्या आळे येथील श्री रेडा संजीवन समाधी मंदिर ते पंढरपूर आषाढ पायीवारी पालखी सोहळ्याचे प्रस्थान गुरुवारी (ता. १९) रोजी होणार आहे. यावर्षी माउलींचा रथ ओढण्याचा मान आळे येथील बबन धोंडिभाऊ जठार आणि अरुण धोंडिभाऊ जठार या कुटुंबाच्या बैलांना मिळाल्याची माहिती देवस्थान ट्रस्टचे अध्यक्ष अविनाश कुऱ्हाडे, पायी वारी पालखी सोहळा समितीचे अध्यक्ष सुनील जाधव, कार्याध्यक्ष नागेश कुऱ्हाडे, व्यवस्थापक कान्हू कुऱ्हाडे, संभाजी पिंगळे, सखाराम कुऱ्हाडे, पांडुरंग गाढवे यांनी दिली.
आळे (ता. जुन्नर) येथील ज्ञानेश्‍वर महाराज देवस्थान ट्रस्टच्या रेडा समाधी मंदिराच्या पायी वारी सोहळ्यात रथ ओढणाऱ्या बैलांची पूजा आज पंचायत समितीचे माजी सदस्य नेताजी डोके, जिवन शिंदे, अतिषा कुऱ्हाडे, विशाल कुऱ्हाडे यांच्या हस्ते करण्यात आली.
या प्रसंगी जिल्हा परिषदेचे माजी सदस्य प्रसन्न डोके, भाऊ कुऱ्हाडे, उल्हास सहाने, होनाजी गुंजाळ, अमोल भुजबळ, नीलेश पिंगळे, संजय कुऱ्हाडे, संदीप निमसे, रवींद्र गुंजाळ, गिरीष कोकणे, भागाजी शेळके, दगडू कुऱ्हाडे, गणेश गुंजाळ, गणेश कुऱ्हाडे, गणेश शेळके, दिनकर राहिंज यांच्या उपस्थितीत करण्यात आली. दरम्यान हा दिंडी सोहळा आळे, पारगाव (मंगरूळ), हाजीटाकळी, रामलिंग, निमोणे, इनामगाव, दौंड, काळेवाडी, भिगवण स्टेशन, पळसदेव, वनगळी, संस्थान रांझणी देवाची, टेंभुर्णी, करकंब या गावांमध्ये मुक्काम करत शुक्रवारी (ता. ४ जुलै) पंढरपूर येथे पोहोचणार आहे.