वारकरी संप्रदाय समाजाला दिशा देतो : बेनके

आळेफाटा, ता. १९ : ‘‘वारकरी संप्रदायामध्ये मोठी ताकद असून हा संप्रदाय समाजाला दिशा घडवण्याचे काम करत आहे.’’ असे प्रतिपादन माजी आमदार अतुल बेनके यांनी राजुरी येथे केले.
तुकोबारायांच्या त्रिशतकोत्तर अमृत महोत्सवी सदेह वैकुंठगमन सांगता सोहळा ओतूर येथे अत्यंत आध्यात्मिक वातावरणात यशस्वी केल्याबद्दल या सोहळ्याचे आयोजक हरिभक्त पारायण ज्ञानेश्‍वर महाराज कदम (छोटे माऊली) यांचा ग्रामस्थ राजुरी, उंचखडक, आबाटेक यांच्या वतीने मंगळवारी (ता. १७) सायंकाळी कृतज्ञता सोहळा आयोजित केला होता. त्यावेळी ते बोलत होते. या प्रसंगी सत्कार मूर्ती ज्ञानेश्‍वर महाराज कदम (छोटे माऊली), जिल्हा दूध संघाचे माजी अध्यक्ष, विद्यमान संचालक बाळासाहेब खिल्लारी, जिल्हा परिषदेचे माजी सदस्य शरद लेंडे, मोहित ढमाले, स्नेहल शेळके, पंचायत समितीचे माजी सदस्य नेताजी डोके, गावच्या सरपंच प्रिया हाडवळे उपसरपंच माउली शेळके, एम. डी. घंगाळे, वल्लभ शेळके, गंगाराम डुंबरे, बाळासाहेब औटी, बाळासाहेब गायकर, विनायक तांबे, बाबाजी शिंदे, गोविंद औटी, अशोक घोडके, प्रियंका दाते, गोरक्ष हाडवळे, मुरलीधर औटी, बी. टी. डुंबरे, जयसिंग औटी, जाणकु डावखर, लहू गुंजाळ, दिलीप घंगाळे, विनोद औटी उपस्थित होते. सूत्रसंचालन जी. के. औटी यांनी तर आभार संजय औटी यांनी मानले.