सह्याद्री व्हॅली इंजिनिअरिंगमध्ये योग दिन

आळेफाटा, ता‌. २२ : राजुरी (ता. जुन्नर) सह्याद्री व्हॅली कॉलेज ऑफ इंजिनिअरिंग अँड टेक्नॉलॉजीमध्ये योग दिन उत्साहात साजरा करण्यात आला. या उपक्रमामध्ये विद्यार्थी, शिक्षक, शिक्षकेतर कर्मचारी सहभागी झाले होते. याप्रसंगी महाविद्यालयाचे खजिनदार सचिन चव्हाण यांनी उपस्थितांना योगदिनानिमित्त शुभेच्छा दिल्या.
महाविद्यालयाचे उपप्राचार्य बलराम यांनी विद्यार्थ्यांना योगचे महत्त्व सांगताना म्हणाले, ‘‘योग ही एक साधना असून सातत्यपूर्ण सराव केल्यास मनुष्याच्या जीवनात आमूलाग्र बदल होऊ शकतात. योगसाधना ही भारताने जगाला दिलेली आरोग्य संजीवनी आहे. संपूर्ण विश्‍वामध्ये भारतीय योग साधना आयुर्वेदाचे अनुकरण केले जात आहे. आंतरराष्ट्रीय योग दिन साजरा करण्यामागे योग आणि प्राणायामाचे सुंदर आणि नैसर्गिक उपयोजन आहे.’’