आळेफाटा येथे कांदा २२१ रुपये प्रतिकिलो

आळेफाटा, ता.२३ : आळेफाटा येथील बाजार समितीत रविवारी (ता.२३) १४ हजार ४१६ कांदा पिशव्यांची आवक झाली. बाजारात चांगल्या प्रतीच्या कांद्यास दहा किलोस २२१ रुपये बाजारभाव मिळाला. बाजारात सुपर एक नंबर कांद्यास दहा किलोस १९० ते २१०, दोन नंबरला १७० ते १९०, तीन नंबरला १५० ते १७०, चिंगळीस ४० ते ११० रुपये बाजार भाव मिळाला आहे.
दरम्यान, येथील बाजार समितीत या आठवड्यात चालू हंगामात नवीन कांद्याची मोठ्या प्रमाणावर आवक वाढली आहे. कांद्याचे बाजारभाव प्रतिकिलोमागे चार रुपयांनी वाढलेले असल्याची माहिती कांदा व्यापारी रामदास शिंदे आदींनी दिली.