बोरी बुद्रुक सोसायटीच्या अध्यक्षपदी काळे

आळेफाटा, ता. २४ : बोरी बुद्रुक (ता. जुन्नर) येथील विविध कार्यकारी सोसायटीच्या अध्यक्षपदी सावळेराम काळे व उपाध्यक्षपदी अशोक घोलप यांची बिनविरोध निवड झाली. अध्यक्ष दत्तात्रेय शिंदे व उपाध्यक्ष म्हताजी कोरडे यांनी राजीनामा दिल्यामुळे रिक्त झालेल्या पदासाठी सोमवारी (ता. २३) निवडणूक घेण्यात आली. अध्यक्षपदासाठी काळे व उपाध्यक्षपदासाठी घोलप यांचे एकमेव अर्ज आल्याने दोघांची बिनविरोध निवड करण्यात आली. निवडीनंतर नवनिर्वाचित पदाधिकाऱ्यांचा सत्कार करण्यात आला. या वेळी निवृत्ती काळे, विघ्नहर साखर कारखान्याचे संचालक प्रकाश जाधव, तबाजी शिंदे, लक्ष्मणराव कोरडे, दत्तात्रेय शिंदे, सतीश जाधव, महादू जाधव, रमेश जाधव, रघुनाथ घोलप, म्हताजी कोरडे, संतोष काळे, शिवाजी बेल्हेकर आदी उपस्थित होते. निवडणूक अधिकारी म्हणून नीलेश धोंगडे यांनी काम पाहिले.