सह्याद्री मित्र मंडळाकडून उंचखडक येथे वृक्षारोपण

आळेफाटा, ता. ७ : तुम्ही निर्सगाला जपा निसर्ग तुम्हाला जमेल, हा उद्देश डोळ्यासमोर ठेवून उंचखडक (ता. जुन्नर) येथील सह्याद्री मित्र मंडळाने एकत्र येऊन गावच्या, तसेच प्राथमिक शाळेच्या परिसरात वृक्षारोपण केले.
या उपक्रमात निसर्गाला उपयुक्त असलेली आयुर्वेदिक आणि दुर्मिळ असलेली झाडे लावली. ही सर्व झाडे विकत आणण्यासाठी राजुरी, उंचखडक, आबाटेक, आळेफाटा आणि पुणे-मुंबई येथील सर्व निसर्गप्रेमींनी आर्थिक मदत केली. झाडे लावण्यासाठी खड्डे घेण्यासाठी राजुरी येथील कॉन्ट्रॅक्टर नीलेश हाडवळे यांनी जेसीबी मशिनसाठी सहकार्य केले. शेणखत आणि ट्रॅक्टर ट्रॉलीसाठी सुरेश कणसे यांनी मदत केली. दहा ते बारा फूट उंच असलेली ही सर्व झाडे लोणावळा- कामशेत या ठिकाणाहून आणण्यात आली होती. त्यासाठी ओंकार कन्स्ट्रक्शनचे मालक बाळकृष्ण दिघे यांनी पिकअप गाडी उपलब्ध करून दिली.
या वृक्षारोपणप्रसंगी राजेश कणसे, समीर कणसे, नितीन कणसे, नीलेश कणसे, शरद कणसे, गणेश कणसे, ओंकार आग्रे, कुमार कणसे, निखिल कणसे, अक्षय यादव, सुयोग कणसे, सागर ताजवे, सौरभ ताजवे आणि उंचखडक येथील प्राथमिक शाळेतील शिक्षक- विद्यार्थी आणि ग्रामस्थ उपस्थित होते.
दरम्यान, सह्याद्री सोशल फाउंडेशनच्या माध्यमातून मागच्या वर्षीसुद्धा वड, पिंपळ, गुलमोहर आदी जवळपास पंचेचाळीस झाडे लावली होती. उन्हाळ्यात टँकरने पाणी घालून ही सर्व झाडे शंभर टक्के जगविण्यात आली आहेत.