ज्ञानेश्वर वस्तीतील शाळेस संगणक कक्ष फोम फ्रेम भेट

आळेफाटा, ता. ७ ः कोळवाडी (ता. जुन्नर) येथील निवृत्ती शिक्षक किसन भिकाजी सहाणे यांनी आपल्या वाढदिवसाचा होणारा खर्च टाळून तो ज्ञानेश्वर वस्तीतील जिल्हा परिषदेच्या प्राथमिक शाळेतील विद्यार्थ्यांना तालुक्यात असलेल्या पर्यटनाची माहिती मिळावी यासाठी सुमारे १० हजार ५०० रुपये किमतीचे जुन्नर पर्यटन माहिती व संगणक कक्ष फोम फ्रेम भेट दिली. सहाणे यांनी सलग तिसऱ्या वर्षीही आपल्या वाढदिवसाचा होणारा खर्च टाळून तो शाळेसाठी योगदान दिल्याबद्दल त्यांचा माजी सहाय्यक पोलिस निरीक्षक सुरेश सहाणे, ललिता शेजवळ, अंजना सहाणे, माधुरी ढमाले आदींच्या उपस्थितीत सत्कार करण्यात आला. कार्यक्रमाचे सूत्रसंचालन संदीप वाघोले यांनी, तर उदयानंद पुरी यांनी आभार मानले.