सेंद्रिय शेतीचा अवलंब करा : जाधव

आळेफाटा, ता.१० : शरीराची रोग प्रतिकारशक्ती वाढवायची असल्यास सेंद्रिय शेतीमध्ये पिकवलेल्या भाजीपाला, धान्य व फळे खाने गरजेचे आहे. वाढत्या लोकसंख्येमुळे जमिनीचे क्षेत्र कमी झाल्याने शेतकऱ्यांनी रासायनिक खतांचा बेसुमार वापरामुळे मानवी आरोग्य धोक्यात आले आहे, असे आवाहन पोलिस पाटील उत्तम जाधव यांनी केले आहे.
जाधववाडी (ता.जुन्नर) येथील जगदंबा माध्यमिक विद्यालयातील विद्यार्थ्यांना पर्यावरणपूरक सेंद्रिय शेती या विषयावर मार्गदर्शन करताना ते बोलत होते. याप्रसंगी मुख्याध्यापक संतोष सकाळ विद्यालयातील सर्व शिक्षक विद्यार्थी, पालक उपस्थित होते.
उमेश उनवणे यांनी सूत्रसंचालन केले.