आळेफाटा येथील बाजारात ८४ लाख रुपयांची उलाढाल

आळेफाटा, ता.१२ : आळेफाटा येथील कृषी उत्पन्न बाजार समितीत गुरुवारी (ता. १०) झालेल्या गाईंच्या बाजारात ३७८ गाईंची विक्री झाली. यामुळे बाजारात ८४ लाख रुपयांची उलाढाल झाली] अशी माहिती बाजार समितीतर्फे देण्यात आली.
कृषी उत्पन्न बाजार समिती जुन्नर च्या आळेफाटा येथील बाजार समितीत भरत असलेला गाई बाजार हा पुणे जिल्ह्यातील सर्वात मोठा बाजार भरतो. येथील बाजारात पुणे, नाशिक, संगमनेर, अहिल्यानगर, शिरूर, आंबेगाव, ठाणे तसेच इतर ठिकाणांहून संकरित दुधाळ जातीच्या गाया विक्रीसाठी येतात. या आठवड्यात भरलेल्या बाजारात ३८६ संकरित गाया विक्रीसाठी आल्या होत्या. यामध्ये ५ हजारांपासून ५० हजार रुपयांपर्यंत गाई विकल्या गेल्या आहेत.
या आठवड्यात गाईंच्या किंमती उतारलेल्या असल्या तरी विक्रीचे प्रमाण देखील वाढले आहे. दुधाच्या दरात प्रतिलिटर मागे दोन रुपयांनी उतरल्याने शेतकऱ्यांनी नाराजी व्यक्त केली आहे. पशुखाद्यांचे बाजारभाव दिवसेंदिवस वाढतच चालले असल्याने याचा फटका गाईंच्या खरेदी विक्रीवर होत असल्याची माहिती ज्ञानेश्वर कुऱ्हाडे, तान्हाजी कुऱ्हाडे, अमोल कुऱ्हाडे, संतोष कुऱ्हाडे, रोहीदास निमसे, किरण कुऱ्हाडे, सुमीत वर्पे, दिलीप शरमाळे, याकूब सौदागर, हबीब शेख, महंमद यासिर, जब्बार शेख, सय्या शेख, जब्बार पठाण, रफिक शेख, अश्पाक शेख, रूपेश कुऱ्हाडे, शानू बेपारी, हबीबुल सौदागर या व्यापाऱ्यांनी सांगितले.