विविध संघटनांकडून आळेफाटा परिसरात आळेफाटा

आळेफाटा, ता. २४ : शेतकरी कर्ज माफी जाहीर करण्याच्या मागणीसाठी आळेफाटा (ता.जुन्नर) येथे गुरुवारी (ता.२४) आंदोलन करण्यात आले. मागणी मान्य न झाल्यास रास्ता रोको आंदोलन करण्याचा इशारा जुन्नर तालुका अध्यक्ष दीपक चव्हाण यांनी दिला.
जुन्नर तालुका प्रहार जनशक्ती पक्ष, प्रहार अपंग क्रांती संघटना, शेतकरी आंदोलन संघटना, राधेश्याम दिव्यांग संघटना या संघटनांच्या पदाधिकाऱ्यांनी बच्चू कडू यांच्या आंदोलनाला पाठिंबा दर्शविला आहे. या वेळी शेतमालाला हमीभाव, दिव्यांगांना घरकुल आणि सहा हजार रुपये मानधन, पेरणी आणि कापणीचा खर्च ‘एमआरजीएस’अंतर्गत करण्यासह शेतमालाच्या हमीभावावर २० टक्के अनुदान देण्याची मागणी करण्यात आली. शेतकरी संघटनेचे राजेंद्र ढोमसे, मच्छिंद्र थोरात, संजय भुजबळ, राजेंद्र आल्हाट, राहुल मुसळे, सुनील जंगम, गोरक्ष नरवीर, अनिल शेटे, सचिन वाव्हळ, गोरक्ष मातेले, अजीज पठाण, अनंत हाडवले, ताहोर आतार, कायदेशीर सल्लागार नंदा खोमणे, जमिला शेख, मंगल जाधव, माहिती सल्लागार गोविंद कुतळ, प्रहार अपंग संघटनेचे उपजिल्हाध्यक्ष मंगल गांजवे, इमराज पठाण, सुदर्शन शिंदे, दिगंबर झिंझाड, मच्छिंद्र शिंदे, नितीन वायदंडे, गणेश शेटे, अंकुश तळेकर, रचना वाळुंज, महेश सोमोशी आदी उपस्थित होते.