नागपंचमीनिमित्त राजुरीत कलगी-तुऱ्याचा सामना

आळेफाटा, ता. २९ : श्रावण महिन्यात येणारा पहिला सण हा नागपंचमी असतो. या सणानिमित्त सालाबादप्रमाणे यंदा राजुरी (ता. जुन्नर ) येथील हनुमान देवस्थान ट्रस्टच्या वतीने कलगी तुऱ्याचा सामना आयोजित केला होता.
या कार्यक्रमाचे उद्‍घाटन पंचायत समितीचे माजी सभापती दीपक औटी व उपसरपंच माउली शेळके, देवस्थानचे अध्यक्ष मुरलीधर औटी, उपाध्यक्ष बाळासाहेब हाडवळे यांच्या हस्ते झाले. या सामन्यात कलगी वाले शाहीर तान्हाजी माळवदकर (गुळूंजवाडी, ता. जुन्नर), तर तुरेवाले शाहीर लहू कदम (ता. कर्जत) या दोघांमध्ये कलगी तुऱ्याचा सामना रंगला होता. या सामन्याला ग्रामस्थ व बाहेर गावाहून आलेल्या प्रेक्षकांनी भरभरून प्रतिसाद दिला. विशेष म्हणजे या दोन्ही कलाकारांना अनेक बक्षिसेदेखील मिळाली.
यावेळी बबन घंगाळे, महादेव हाडवळे, तुकाराम डुंबरे, ममताराम हाडवळे, गणेश हाडवळे, नामदेव औटी, विजय ताजवे, संतोष गफले, भाऊसाहेब हाडवळे आदींसह हनुमान देवस्थान ट्रस्टी उपस्थित होते.